Ротерхам е домаќин на Бурнемут во рамки на 14-то коло од Чемпионшип. Гостите се големи фаворити поради повеќе причини. Ротерхам ќе се бори за опстанок сезонава, а Бурнемут сака експресно враќање во Премиер Лигата и искрено, има тим за такво нешто.
Станислас и Дејвид Брукс изгледаа незапирливо на предхондиот меч на Бурнемут, во победата од 2:0 над Нотингем. Менаџерот Тиндал сега може да биде многу помирен, особено што не беше во целост задоволен од своите најважни фудбалери.
Дефанзивниот перформанс исто така може да го радува Тиндал, бидејќи неговиот тим за прв пат во пет натпревари во низа го зачува својот гол.
Сега со зголемена самодоверба ќе патуваат во Јужен Јоркшир, бидејќи Бурнемут прими голови на сите шест гостувања сезонава. Оваа екипа од секогаш важела за домашен тим кој игра тешко на гости, но сезонава има две победи, три ремија и само еден пораз од гостувањата.
Од друга страна, Ротерхам е очаен сезонава и има по три победи и ремија и дури седум порази. Пол Варн сугерираше дека неговиот тим во вторникот вечерта покажал „преголем респект“ за КПР во првото полувреме, што на крајот ги чинеше пораз и најави дека тоа нема да биде случај на овој меч.
Сепак, Варн сигурно ќе биде задоволен и со еден бод од овој меч и сигурен сум дека тимот ќе биде дефанзивно ориентиран.
Разликата во квалитет е огромна. Минатата сезона Бурнемут играше во Премиер Лигата и успеа да задржи најголем дел од своите фудбалери, со амбиции за експресно враќање во елитата. И добро им оди, се наоѓаат на второто место на табелата со бод помалку од Норвич. Ротерхам пак минатата сезона играше во Лига Еден и има сосема спротивни амбиции од Бурнемут – сакаат да обезбедат опстанок во Чемпионшип.
И традицијата е на страната на гостите. Ротерхам не го победил Бурнемут на последните пет средби, а последно славеле во Лига Два во јануари 2009 година.
Be the first to comment