Арсенал и Челси денеска ќе се соочат на „Вембли“ во финалето на ФА Купот што значи дека една од овие две екипи ќе има можност да се израдува на трофеј во оваа сезона иако мора да се напомене дека „сините“ се уште се активни и во Лигата на шампионите, ама таму ќе им треба вистинско чудо за да ја свртат во своја корист осминафиналната пресметка со Баерн Минхен (3-0).
На „топчиите“ оваа средба исклучително им значи затоа што триумф ќе им донесе настап во Европа, но тоа дефинитивно носи и дополнителен притисок, па ќе видиме како со истиот ќе се справат избраниците на Микел Артета.
Свој тип, анализа за натпреварот кој започнува од 18:30 часот даде некогашниот напаѓач на Манчестер Јунајтед и Тотенхем, Димитар Бербатов кој смета дека на крајот ќе биде 1-1 и ќе се играат продолженија.
-Тешко е да се предвиди како ќе заврши финалето на ФА Купот. Кој и да победи, тоа ќе биде прв голем трофеј за тренерите. Никогаш не е важно кој трофеј го освојувате, тоа е прекрасно. Мислам дека тимовите се изедначени. Арсенал треба да биде претпазлив затоа што знае да направи грешки во одбраната.
-Доколку имаат грешки, Челси ќе ги искористи. Треба да бидете алчни за трофеи без оглед на тоа што сте освоиле во минатото.Тоа е значајно за вашето Си-Ви (CV) за како менаџер да освоите ФА Куп. Со нетрпение чекам да видам како Аретат и Лампард ќе му пристапат на мечот.
-Сакам да биде нерешено по 90 минути за да гледаме што е можно повеќе фудбал. Не сакам пенали, тоа е страшен начин за да се заврши натпреварот. Да се постигне гол во пенал рулетот е фантастично, но да се промаши е обратно. Јас ги имам направено и двете. Многу нервира. Играчите страдаат и не сакам тоа да го гледам. Само се надевам дека ќе видиме одлична средба, мислам дека може да заврши 1-1 ,-истакна Бербатов за Betfair.
Be the first to comment