![1549394228_727920_1549394275_noticia_normal Ел Класико](https://kladenje.mk/wp-content/uploads/2019/02/1549394228_727920_1549394275_noticia_normal-678x381.jpg)
Време е за Ел Класико, но овој пат во Копа дел Реј. Барселна е домаќин на Реал Мадрид во првиот натпревар од полуфиналето на Купот. Ќе следиме интересен меч, доста возбудувања, а според се веројатно ќе следиме и неизвесност.
Барса е во предност
Барселона влегува во овој натпревар во добра форма, форма што ја зацврсти на лидерското место во Ла Лига. Освен тоа беше одлична и во Купот, откако направи голем кам бек против Севиља во последното коло од последната рунда на Копа дел Реј, славејќи со 6:1.
Да, тие одиграа под просекот против Валенсија минатиот викенд во меч кој заврши 2:2. Но и на тој меч Барса покажа голем карактер и се врати од негатива од 2:0.
Реал Мадрид полека но сигурно се опоравува по лошиот почеток на сезоната и си ја зголемува самодовербата. Од таа гледна точка, ова би можело да биде тежок натпревар за Барселона, како што впрочем така е на сите меѓусебни дуели.
Но, во секој случај Барселона е посилна, игра дома и имаат голем моив да забележат добар резултат пред реваншот во Мадрид, преку кои сакаат да обезбедат пласман во финалето и трка за двојната круна. Тие исто така беа многу повеќе конзистентни од нивните големи ривали оваа сезона.
Меси сам ќе одлучи дали ќе игра
Очигледно е дека тимот на Барса ќе се чувствува посигурен со Лео Меси на теренот. Во последните неколку дена е пишуваше многу за тоа дали Меси ќе игра против Реал Мадрид или не. Тој е многу важен за тимот бидејќи некои од резултатите на Барса без него се слаби, но не заборавајте дека Барселона го победи Реал Мадрид со 5:1 оваа сезона и покрај неговото отсуство.
Меси е речиси опоравен, барем делумно, па одлуката веројатно ќе биде донесена непосредно пред мечот и тоа не од менаџерот, туку од самиот Меси. Тој не играше во првиот Ел Класико сезонава на Камп Ноу и сигурно нема да пропушти уште еден меч, дури и доколку има само мали шанси за негов настап.
Валверде нема повторно да ротира
Ако јас бев менаџер на Барселона во оваа прилика би играл со најдобрите можни 11. Валверде чето ротираше со составот во Купот, но ова е посебен натпревар што никој не сака да го изгуби, а исто така е важно да се добие добар резултат пред патувањето во Бернабеу.
Потенцијалната елиминација од Копа дел Реј против Реал Мадрид би можела да биде тешка за општата доверба на менаџерот и на тимот пред клучниот дел од сезоната. Ова едноставно не е средба на која може да се ротира со тимот.
Се разбира, заморот може да биде проблем, но тоа е природно за големи екипи кој обично играат на повеќе фронтови во исто време. Но, од друга страна начинот на кој игра Барса им овозможува да заштедат енергија повеќе за разлика од другите клубови бидејќи имаат одличен посед на топката и ги принудуваат своите противници да трчаат многу повеќе од нив. Токму таа свежина, може да биде голем плус во однос на фудбалерите на Реал Мадрид.
Тешка сезона за Реал, но полека се враќаат во ритам
Ова е тешка сезона за Реал Мадрид. Без Роналдо, товарот падна на Бејл и Бензема. Но Карим Бензема беше во фокусот на многу критики, иако во последно време значително ја подигна својата форма, постигнувајќи многу голови. Затоа Барса ќе треба да биде внимателна кога тој ќе добие топка во шеснаесеттикот.
Винициус Џуниор, исто така добива поголема доверба од својот тренер и веќе успеа да ги убедува навивачите во сопствените квалитети. Тој покажува добри знаци дека во иднина може да биде еден од носителите на играта и веќе му помага многу на клубот.
Малкумина мислеа дека Реал Мадрид ќе биде само неколку бода зад Барселона во Ла Лига и ќе игра во полу-финалето на Копа дел Реј пред неколку месеци, но тимот на Сантијаго Солари го направи спротивното.
Никогаш не е лесно за еден тим да се соочи со толку многу критичари, со заминувањата на Роналдо и Лопетеги, па затоа мораме да ги цениме нивните напори да останат живи во сите натпреварувања.
Наш предлог:
Be the first to comment