Најава Ливерпул – Рома: Финалето од 1984, веројатни состави, фаворит…

Вечерва на „Енфилд“ се сретнуваат Ливерпул и Рома во првиот полуфинален натпревар од Лигата на шампионите.

Ова се двата клуба кои се најпријатни изненадувања оваа сезона во Европа и ќе се борат за пласман во финалето каде што ќе се сретнат со подобриот од дуелот Баерн Минхен и Реал Мадрид.

Интересно што Ливерпул и Рома во 1984 година играа финале во Лигата на шампионите, „црвените“ славеа на пенали и така ги спречија Римјаните да ја освојат својата прва титула европски шампион.

Овие два клуба ги поврзува и уште нешто. Мохамед Салах кој сега е прва ѕвезда на Ливерпул две години го носеше дресот на Рома, а минатото лето се пресли на „Енфилд“ за сума од 42 милиони евра.

За овој натпревар и Клоп и Ди Франческо на располагање ќе ги имаат своите најважни фудбалери, па во продолжение ви ги претставуваме веројатните состави.

ЛИВЕРПУЛ
Кариус, Арнолд, Ловрен, Ван Дијк, Робертсон, Чемберлејн, Хендерсон, Милнер, Салах, Фирмино, Мане.

РОМА
Алисон, Флоренци, Манолас, Фазио, Коларов, Де Роси, Стротман, Наинголан, Пероти Џеко, Ундер.

Кога во прашање се обложувалниците фаворит е Ливерпул. Coinbet24 кој му дава коефициент од 1.49, додека коефициентот за Рома се движи помеѓу 6.40. За реми е 4.45 во истата обложувалница.

Натпреварот помеѓу Ливерпул и Рома секако се игра во терминот од 20:45 часот додека реваншот е закажан за следната среда на „Олимпико“. Главен судија ќе биде Феликс Брих од Германија кој во просек дели по 4.37 жолти картони по натпревар.

Be the first to comment

Leave a Reply

Your email address will not be published.


*