Во тек е третото коло од групната фаза на ЕУРО, а ние за вас ќе го анализираме дуелот помеѓу Франција и Полска.
Франција нема право на кикс
Франција потешко од очекувањата победи во првиот меч против Австрија со 1:0, а во второто коло одиграа реми против Холандија. Ова оваа селекција навикнати сме да гледаме поубедливи партии со оглед на квалитетот кој го имаат. Сега се пред императив победа доколку сакаат да го освојат првото место во групата. Мбапе на првиот меч не се покажа во најдобро светло и во завршницата заработи повреда. Во вториот меч не играше, па се виде дека сепак недостасува во тимот на „триколорите“. Сега е комплетно спремен за игра, а Франција со него на терен е комплетно друг тим. Имаат протиник по мерка и не смеат да си дозволат кикс, бидејќи според квалитетот Франција е селекција која цели на највисок пласман.
Полска веќе ги спакува куферите
Полска е правта селекција која после две одиграни кола ги загуби сите шанси за пласман во нокаут фазата. Најпрво загубија од Холандија иако одиграа одличен меч, а потоа беа поразени и од Австрија. Впечатокот е дека на оваа репезентација и недостасува лидер во отсуство на Левандовски, кој не е доволно опоравен и спремен за игра. Полска имаше многу големи проблеми со повредите. па и не се очекуваше многу од оваа селекција. Сега нема што да загуби на овој меч и ќе игра за престиж против гавниот фаворит. а најавите се дека и Левандовски може да биде во стартниот тим. Репрезентациите кои играат без притисок се најопасни, па не смее да се отпишува Полска предвреме на овој меч.
Очекување
Квалитетот е на страната на Франција која се наоѓа пред императив победа, па веруваме дека ќе ги освои трите бода, иако нема да биде воопшто лесно.
Be the first to comment