Пред почекот на Европското првенство се прават последните припреми, па денес ќе го анализираме мечот помеѓу Португалија и Ирска.
Колку може Португалија на Европското првенство?
Португалија има одлична репрезентација каде се уште Роналдо е прва ѕвезда и веројатно ова за него ќе биде последното големо натпреварување. Сепак Портуалците преку квалификациите покажаа дека не се повеќе селекција која целосно се потпира на Роналдо, туку има одлични поединци во сите линии од тимот. Секако може да биде фаворит од сенка на Европското првенство бидејќи има млада репрезентација желна за успех, но и многу квалитетна, која одигра одлични квалификации. Пред неколку дена беа поразени од Хрватска, па самодовербата е малку разнишана, па поради тоа немаат право на кикс во генералната проба пред ЕП.
Ирска во очајна форма
Ирска е далеку од своите најдобри денови кога играше на големите натпреварувања. Оваа селекција одигра очајни квалификации каде на осум меча запиша шест порази и покажа дека е далеку од европскиот врв. Островската земја секогаш имала квалитетни селекции, но сега е во преоден период и се бара себе си. Пред неколку дена во пријателски меч ја победи Унгарија, па покажа дека има база на која да ја гради репрезентацијата во иднина. Меѓутоа, тимот е во очајна форма и тоа беше прва победа на последните шест меча. Сега гостува кај еден од фаворитите на ЕУРО и тешко дека ќе успее да остане непоразена.
Очекување
Формата и квалитетот се на страната на Португалија, па очекуваме лесна победа изразена со повеќе голови разлика.
Be the first to comment