Денес нема голема понуда за обложување, а ние за вас ќе го анализираме пријателскиот дуел помеѓу селекциите на Романија и Колумбија.
Романија во нагорна линија
Романија минатите години помина низ смена на генерација и тоа резултираше со слаби резултати, но се чини дека сега конечно доаѓаат добри денови за романскиот фудбал. Веќе некое време репрезентацијата на Романија оди во нагорна линија, има одлична генерација фудбалери, а тоа го покажа и на квалификациите за ЕП. Романија се пласираше на ЕУРО и тоа како првопласирана во групата, па може да се каже дека беше најпријатно изненадување во квалификациите. Првиот пријателски меч не беше успешен бидејќи пред неколку дена одиграа реми против Северна Ирска и тоа на домашен терен, па сега ќе сакаат да го поправат впечатокот, иако имаат далеку по квалитетен противник.
Колумбија во одлична форма
Колумбиската репрезентација пристигна во Европа на мала турнеја каде ќе одигра неколку пријателски натпревари. Пред неколку дена успеа да ја победи репрезентацијата на Шпанија со што потврди дека се наоѓа во одлична форма. Имено, репрезентацијата на Колумбија нема пораз на последните шеснаесет натпревари, притоа се наоѓа во серија од четири победи по ред. Поради тоа јасно е дека е фаворит на овој меч, атмосферата и самодовербата во тимот е на високо ниво. Интересно е што Колумбија има три настапи против Романија во историјата и никогаш не успеала да запише победа, па тоа ќе биде додатен мотив на овој меч, кој се игра на неутрален терен во Шпанија.
Очекување
Квалитетот и формата се на страната на Колумбија и очекуваме победа на овој меч, иако Романија е незгоден противник и нема лесно да се предаде.
Be the first to comment