![Tip na denot final1 Тип на денот](https://kladenje.mk/wp-content/uploads/2022/04/Tip-na-denot-final1-678x381.jpg.pagespeed.ce.q-QsTxpUxZ.jpg)
Денес има солидна понуда за обложување, а ние за вас ќе го анализираме дуелот од Серија А помеѓу Џенова и Верона.
Предност за Џенова е домашниот терен
Џенова експресно се врати во елитата после една сезона помината во Серија Б и целта секако ќе биде да избори опстанок. Тимот добро се засили во летниот преоден рок, пристигнаа неколку добри засилувања, а секако најголемо засилување е Ретеги. Џенова одлично ја отвори сезоната, но потоа следуваа лоши резултати, меѓутоа реално и распоредот беше тежок. На последните пет меча запиша само една победа и три пати беа поразени, па сега сигурно ќе сакаат да освојат бодови. Ова е дуел со директен конкурент, а домашниот терен може да биде голема предност. Тренерот Џилардино има проблем со повреди и на овој меч нема да може да смета на двете најголеми ѕвезди, Ретеги и Месијас.
Верона ја чека грчевита борба за опстанок
Верона минатата сезона се спаси на чудесен начин со бараж дуел против Специја, откако двете екипи имаа ист број на бодови. Но изненадувачки беше начинот и што воопшто дојдоа во таква ситуација бидејќи Верона одамна беше отпишана. Сите во клубот сакаат да избегнат таква сценарио оваа сезона и што е можно побрзо да обезбедат опстанок. Верона добро ја отвори сезонаа, но потоа следуваше пад на формата, во моментов е во серија од неколку порази и падна во зоната за испаѓање. Факт е дека овој тим го чека грчевита борба за опстанок до крајот на сезоната, а овој меч е од исклучително значење бидејќи играат со директен конкурент.
Очекување
Очекуваме неизвесен дуел со малку голови кој ќе го одлучуваат мали детали, но сепак мала предност и даваме на Џенова поради домашниот терен.
Be the first to comment