Во рамките на групната фаза од ЛШ во првото коло ќе имаме можност да погледнеме натпревар на два великани. На Алијнац Арена, Баерн Минхен ќе го дочека Манчестер Јунајтед.
Тухел нема право на кикс
Веќе месеци Баерн не личи на себе и повеќе не се синоним за цврстина, постојаност и дисциплина, а тоа се докажа и во минатата сезона каде што беа елиминирани од Манчестер Сити, а за малку ќе ја изгубеа и титулата во домашното првенство. Сега делува дека малку се подобрени, а во своите редови го доведоа одличниот напаѓач Хари Кејн во кого се надеваат скоро сите фанови на овој клуб. Во домашното првенство досега изиграа четири натпревари и се наоѓаат на делба на првото место заедно со тимот на Леверкузен. Започнаа со три победи по ред, но во последното коло ремизираа против Фармацевтите. Амбициите за оваа сезона им се максимални и веруваме дека нема лесно да се предадат на ниту еден фронт.
Како против Баерн, кога не можат против Брајтон?
Цели десет години поминаа откако Манчестер Јунајтед последен пат ја освои Премиер лигата, но и понатаму важат за најтрофеен англиски клуб. Премиерната сезона со Тен Хаг се оценува како просечна. Го освоија Лига купот на Англија, а го презедоа и третото место на табелата, па затоа сега се во групната фаза од Лигата на шампиони. Што се однесува до актуелната сезона, може слободно да констатираме дека играат катастрофално. На првите пет натпревари запишаа 2 победи и 3 порази, а со вакво темпо ако продолжат тешко дека ќе можат да „замешаат прсти“ во горните позиции.
Очекување
Според моменталната ситуација, но и според букмејкерите, Баерн е во улога на огромен фаворит, па веруваме дека таа улога ќе ја оправдаат без поголеми проблеми.
Be the first to comment