Денешната понуда е фантастична бидејќи ни се враќа клупскиот фудбал кој паузираше скоро две недели поради репрезентативните обврски. За денес од 20:30 е закажан дуелот помеѓу Баерн Минхен и Баер Леверкузен кој ќе се изигра во рамките на германската Бундеслига.
Работите одат на подобро
Баерн Минхен во минатата сезона имаше доста проблеми, но на крајот сепак успеаа да стигнат до титулата во Германија на еден неверојатен начин. За време на летниот преоден рок, овој тим се засили со првокласен напаѓач, поточно во редовите на Баварците пристигна Хари Кејн, но и некои други квалитетни играчи. Примарната цел за оваа сезона е трофеј буквално на секој фронт, но искрено тоа делува дека ќе биде тешка задача за клубот од Минхен. На почетокот на сезоната се сретнаа со Лајпциг во рамките на финалето од германскиот Супер куп и таму беа поразени. Сепак, во последно време делува дека овој тим се среди и очекуваме да продолжат со победничко темпо и во наредниот период.
Леверкузен досега прикажаа најмногу
Интересно е дека Леверкузен во 119 години постоење досега никогаш не биле шампиони во Германија. Во минатата сезона, избраниците на Чаби Алонзо завршија на шестото место на табелата, а со тоа обезбедија и пласман во Лига Европа, а тоа им беше и примарна цел. Фановите на овој тим досега можат да бидат презадоволни бидејќи на стартот се покажаа во одлично светло и во моментов се на делба на првото место заедно со Баерн кој всушност им е противник во денешниот натпревар. Во минатото коло потврдија дека се комплетно спремни за новата сезона на натпреварот против Дармштад каде што победија со резултат од 5-1.
Очекување
Амбициите за титула кај двете екипи се огромни, па очекуваме натпревар каде што ќе има многу возбуда и неизвесност, а исто така и многу погодоци.
Be the first to comment