![Tip na denot final1 Тип на денот](https://kladenje.mk/wp-content/uploads/2022/04/Tip-na-denot-final1-678x381.jpg.pagespeed.ce.q-QsTxpUxZ.jpg)
Денес има богата понуда за обложување, а ние за вас ќе го анализираме дербито од Премиер лигата помеѓу Манчестер Сити и Арсенал.
Пред почетокот на сезоната во Англија традиционално се игра мечот за трофејот во Суперкупот, а оваа година Манчестер Сити и Арсенал ќе се борат за трофејот. Двата тима минатата сезона водеа голема битка за титулата, па „топџиите“ сигурно ќе барат одмазда.
„Граѓаните“ сакаат да ја збогатат колекцијата со уште еден трофеј
Минатата сезона беше историска за Манчестер Сити, пред се затоа што за прв пат дојдоа до трофејот во Лигата на шампиони, но освоија и тројна круна, односно ја освоија Премиер лигата и ФА Купот. Гвардиола никогаш не се заситува од трофеи и сака да продолжи каде што застанал, па сигурно ќе направи се за да дојде до нов трофеј и тоа пред почетокот на сезоната. Тимот во летниот преоден рок не претрпи големи промени, заминаа Гундоган и Марез, а престигна Ковачиќ и се очекува Гвардиол. Најсилен дел од тимот е секако нападот предводе од Халанд, па „граѓаните“ ќе сакаат да покажат уште пред стартот на сезоната дека се шампиони и ќе сакаат да ги одбранат сите титули.
„Топџиите“ бараат одмазда
Арсенал минатата сезона беше најголемо изненадување во лигата и готово целата сезона беше на првото место на табелата. „Топџиите“ беа многу блиску до титулата, но во последните неколку кола ја загубија битката и му ја препуштија титулата на Сити. Поради тоа овој меч за нив ќе биде од големо значење за да се одмаздат за минатата сезона, но и да освојат многу важен трофеј, кој ќе ја зголеми самодовербата пред почетокот на сезоната. Тимот многу се засили во летниот преоден рок, пристигна Даклан Рајс како најскапо засилување во историјата на клубот, а беше купена и ѕвездата на Челзи, Каи Хаверц. Оваа сезона Арсенал има значително посилен тим и сигурно е еден од главните фаворити за титулата во Премиер лигата. За овој меч Артета нема да може да смета на Жесус, кој е повреде и ќе пропишти неколку натпревари.
Очекување
Дерби натпреварите во Англија се секогаш непредвидливи, но ова е дуел на два тима кои играат отворен фудбал и по традиција постигнуваат многу голови, па веруваме дека така ќе биде и овој пат.
Be the first to comment