Денес нема голема понуда за обложување, а во фокусот секако ќе биде дуелот од Премиер лигата помеѓу Њукасл и Лестер.
Њукасл е на чекор да ја оствари целта и да обезбеди пласман во Топ 4, додека Лестер е во исклучително тешка ситуација и се бори за опстанок.
Њукасл на чекор до целта
Њукасл оваа сезона е на чекор да се пласира во Топ 4, што е главна цел за клубот кој доведе големи засилувања. Очигледно дека раководството работи добро и погоди со засилувањата во последните неколку преодни рока, па доколку успее да се пласира во Лигата на шампиони, сигурно ќе пристигнат многу поголеми засилувања. Њукасл влезе во серија на добри резултати и се искачи на третото место на табелата, па сега се е во негови раце. Со победа на овој меч и официјално ќе ја оствари целта, па ќе даде се да дојде до трите бода и да слави пред своите навивачи. Домашниот терен е голема предност, па императивот секако е победа, иако и реми им одговара.
Лестер во тешка ситуација
Лестер добро ја започна сезоната и амбициите на овој тим секако беа поголеми од борба за опстанок. Но потоа следуваше многу долг период во кој тимот бешележе катастрофални резултати, па дојде до тренерска смена и Брендон Роџерс доби отказ. Според квалитетот овој тим сигурно засилужува многу подобро место на табелата. Лестер оваа сезона знаеше да блесне во некои натпревари, но најголем проблем е континуитетот. „Лисиците“ моментално се наоѓаат на претпоследното место на табелата и се наоѓаат пред императив победа на две кола до крајот. Доколку ги освојат трите бода ќе излезат од зоната за испаѓање, но тоа нема да биде лесно бидејќи му гостуваат на еден од најдобрите тимови во лигата.Во секој случај Лестер ќе даде се од себе барем да остане непоразен, па да ја решава својата судбина во последното коло.
Очекување
Квалитетот и формата се на страната на домаќините, но Лестер игра за „гол живот“ и ќе се бори до крај, па затоа овој меч е непредвидлив. Двата тима играат отворен фудбал, па очекуваме многу голови.
Be the first to comment