Денес има голема фудбалска понуда за обложување и многу возбудливи натпревари ширум Евопа, а ние ќе го анализираме дербито помеѓу Интер и Јувентус.
Реванш полуфинален натпревар од Купот каде двата клуба влегуваат со поприлично големи шанси, откако првиот дуел во Торино заврши без победник со резултат 1:1.
Инзаги е мајстор за Куп натпревари
Интер одамна испадна од траката за титулата, па сега му преостанува борба за палсман во Топ 4, што е од големо значење за тимот. Моментално се наоѓа на 6-то место на табелата после неколкуте слаби резултати. „Нероаѕурите“ минатото коло конечно се вратија на победите, но сега заостануваат и немаат повеќе право на кикс. За разлика од Серија А, тимот игра одлично во Лигата на шампиони каде се пласира во полуфинале, а се бори и за финале во Купот. Инзаги е познат како тренер кој е експерт за куп натпреварувања, а Интер го брани трофејот од минатата сезона. Во првиот меч Интер успеа да дојде до израмнување во финишот на мечот, па сега ќе ја има предноста од домашниот терен. Што се однесува до тимот Инзаги за овој меч нема да може да смета на Скриниар и Михтарјан, но важно е дека Лукаку ќе биде на располагање откако му беше укината суспензијата.
Јувентус сака да ја спаси сезоната со титула
Јувентус има многу „чудна“ сезона. Прво започна лошо и испадна од трката за врвот, но потоа направи серија од одлични резултати и се искачи до второто место на табелата. Потоа следуваше казна од 15 бода, па „старата дама“ падна на 10-то место на табелата. Сега привремено повторно му се вратија бодовите, па Јувентус се искачи на 3-то место на табелата, а главна цел на „бјанконерите“ е секако пласман во Топ 4. Меѓутоа, Јувентус сака со трофеј да ја заврши сезоната, што би било исклучителен успех, а Купот е одлична шанса за тоа. Треба да се напомене дека „старата дама“ се пласира и во полуфиналето на Лига Европа, па и во тоа натпреварување има големи амбиции, бидејќи тоа може да му донесе европски трофеј, но и пласман во ЛШ. Меѓутоа, овој дуел не доаѓа во добар момент за „бјанконерите“, кои имаат три последователни порази во Серија А. Во првиот дел Јувентус играше одлично, но не успеа да ја задржи предноста и во последните моменти дозволи Интер да дојде до израмнување. Додатен проблем за Алегри може да биде и отсуството на Влаховиќ, кој нема да биде во конкуренција поради повреда.
Очекување
Очекуваме двата тима да играат претпазливо и да калкулираат бидејќи влогот е пласман во финале. Двата тима ќе чекаат грешка на противникот бидејќи знаат дека целта може да се оствари и после продолженија или пенали.
Be the first to comment