Денес нема голема понуда за обложување, а во фокусот секако ќе биде мечот од Премиер лигата помеѓу Арсенал и Саутемптон.
Арсенал се уште е лидер на табелата, но после двете ремија нема повеќе право на кикс и ова може да биде клучен натпревар за нив. Од друга страна Саутемптон е на последното место на табелата и тешко дека ќе успее да се спаси од испаѓање.
Дали Арсенал полека ја губи битката?
Арсенал е лидер на табелата и има четири бода предност пред Манчестер Сити, но и натпревар повеќе,па се чини дека „топџиите“ немаат повеќе право на кикс. Минатото коло испуштија драгоцени бодови против Вест Хем, иако имаа предност од два гола разлика. Арсенал игра сезона каква ниту најголемите оптимисти не можеа да замислат. Најпрво се мислеше дека тоа е само одличен старт на сезоната и дека „топџиите“ ќе паднат после Мундијалот, но тимот на Артета покажа одличен континуитет. После елиминацијата во Лига Европа се насочија само кон Премиер лигата и беа во одлична форма, но на последните два меча одиграа реми, иако беа блиску до победа.Поради тоа Арсенал нема повеќе право на кикс и секој бод до крајот ќе биде од витално значење. Што се однесува до тимот Артета нема да може да смета на Нкетија и Елнени, а неизвесен е и настапот на Салиба.
Саутемптон тешко ќе се спаси од испаѓање
Саутемптон минатата сезона успеа да се спаси од испаѓање во последните кола, но оваа сезона тешко дека ќе го повтори тој подвиг. Моментално се наоѓа на последното место на табелата и се наоѓа во исклучително лоша форма. Саутемптон заостанува само 4 бода од сигурната зона, но конкуренцијата е огромна, а Саутемптон освои само еден бод на последните пет меча. Цената на лошите резултати ја плати тренерот Нејтан Џонс, а тимот до крајот на сезоната ќе го води Рубен Салес, кој исто така не се прослави во изминатиот период. Тимот од Сан Мерис игра исклучително лошо на гостувањата и оваа сезона на 15 гостински натпревари запишаа дури 10 порази. По традиција ова е едно од најтешките гостувања за нив, па ќе им биде потребно „чудо“ за да останат непоразени. Што се однесува до тимот, тренерот за овој меч нема да може да смета на Орсиќ и Салису, додека настапот на Адамс е под знак прашалник.
Очекување
Според квалитетот и формата очекуваме Арсенал да запише лесно и висока победа, но исто така очекуваме ефикасен натпревар и „дожд“ од голови.
Be the first to comment