Денес се играат реванш четвртфиналните натпревари од Лигата на шампиони, а ние за вас ќе го анализираме дуелот во Милано помеѓу Интер и Бенфика.
Интер донесе голема предност од првиот меч и помалку неочекувано славеше со 2:0 во Лисабон. Меѓутоа, Бенфика не мисли да се предаде и е спремна да направи „мало чудо“ во Милано.
Интер за спас на сезоната
Интер има неверојатен пад на формата и во Серија А игра непрепознатливо. „Нероаѕурите“ имаат пет порази на последните шест меча и паднаа на 5-то место на табелата, па сега под знак прашалник го доведоа пласманот во Топ 4. Притоа, Интер за прв пат во историјата запиша три порази со ред на домашен терен без да постигне гол, па во многу лоша атмосфера го дочекува овој меч. Поради тоа и Интер гледа истроска шанса за пласман во полуфинале, па сигурно ќе биде максимално фокусиран на ЛШ, а има одлична предност од првиот меч. Овој дуел е од клучна важност и за иднината на Инзаги, кој доколку биде елиминиран сигурно ќе добие отказ. На Интер му одговара резултатот од првиот меч, бидејќи ќе може да игра позади топка и да се заканува преку контранапади. Она што е добра вест е што за овој меч се враќа Чалханоглу, кој беше повреден во првиот меч.
Може ли Бенфика до „чудо“?
Оваа сезона Бенфика игра одлично и е лидер на табелата во Португалија, па е блиску до освојување на титулата. Треба да се напомене дека Бенфика игра одлично оваа сезона и во Лигата на шампиони. Заврши како првопласирана во тешка група заедно со ПСЖ и Јувентус, а во осминафиналето го „прегази“ Бриж. Меѓутоа, потфрли во првиот меч против Интер и загуби со 2:0 на домашен терен, а впечатокот е дека Италијанците тактички ги надиграа. Меѓутоа, Бенфика сигурно нема да се предаде и ќе се обиде да ја искористи лошата форма на Интер, особено на домашен терен. Добрата вест е што за овој меч се враќа Отаменди, кој беше под суспензија во првиот меч.
Очекување
Очекуваме возбудлив меч, Бенфика ќе тргне фуриозно од самиот старт, а Интер е искусен и знае тоа да го искористи, па ги има сите предуслови за меч со многу голови.
Be the first to comment