Денес во фокусот секако ќе бидат реванш четвртфиналните дуели од Лигата на шампиони, а ние за вас ќе го анализираме дуелот помеѓу Челзи и Реал Мадрид.
Реал носи солидна предност од 2:0 од првиот меч и тоа за „кралскиот“ клуб во Лигата на шампиони е одлична предност, но Челзи нема лесно да се предаде, а доказ за тоа е дуелот на овие тимови од минатата година.
Меч на сезоната за Челзи
Ниту најголемите песимисти не можеа да предвидат вака лоша сезона на Челзи. Во Премиер лигата се на средината на табелата и отпаднаа од трката за Топ 4, па единствен стпас на сезоната гледаат преку Лигата на шампиони. Поради тоа овој дуел за нив ќе биде натпревар на сезоната и ќе направат се за да се пласираат во полуфинале, иако тоа нема да биде лесно. За ситуацијата да биде уште полоша, Челзи потроши огромна сума на нови засилувања, само во јануари пристигнаа играчи за 350 милиони евра, но до сега не донесоа позитивни промени. Лампард како трет тренер сезонава ќе има додатен мотив да го елиминира Реал бидејќи така може да си заработи долгорочен договор. Тоа во моментов изгледа како „невозможна мисија“ после поразот од 2:0 во првиот меч. Меѓутоа, Челзи минатата сезона покажа дека никогаш не се предава откако после триесетина минути водеше со 3:0 против Реал во Мадрид. Во првиот меч „сините“ создадоа неколку добри шанси, а сега се очекува сигурно да тргнат фуриозно од самиот старт. Доколку постигнат гол во првите 20-ина минути ќе гледаме фантастичен меч.
Реал во ЛШ го дава најдоброто
Реал Мадрид има посебна традиција во Лигата на шампиони и овој тим е како создаден за големи натпревари. И покрај фактот што не игра добро во Примара и заостанува од лидерот Барселона, сепак Реал никогаш не смее да се отпише во ЛШ. Притоа, Анчелоти е тренер кој фантастично ги води своите тимови во завршницата, а тоа го покажа многу пати до сега. Реал во осминафиналето лесно се справи со Ливерпул и запиша две победи, а во првиот меч запиша голема победа од 2:0. Минатата сезона „кралевите“ го елиминираа Челзи на патот до финалето, но на „Сантиаго Бернабеу“ го одиграа еден од најлошите натпревари и во еден момент губеа со 0:3, но сепак успеаа да ги елиминураат „сините“. Анчелоти знае дека не треба да ја повтори таа грешка и сигурно во Лондон ќе има максимално сериозен пристап. „Кралевите“ ретко губат во Лигата на шампиони, а после предност од 2:0 ќе биде скоро невозможно да бидат елиминирани.
Можни состави:
Челзи: Аризабелага, Тиаго Силва, Фофана, Аспиликуета, Чилвел, Џејмс, Канте, Енцо Фернандес, Жоао Феликс, Стерлинг, Хаверц.
Реал Мадрид: Куртоа, Карвахал, Милитао, Алаба, Камавинга, Чуамени, Крос, Модриќ, Валверде, Винисиус, Бензема.
Очекување
Челзи неможе да калкулира и мора од самиот старт да тргне фуриозно и ќе сака што поскоро да постигне гол, а на Реал токму тоа најмногу му одговара, па очекуваме возбудлив меч со голови на двете страни.
Be the first to comment