![Tip na denot final1 Тип на денот](https://kladenje.mk/wp-content/uploads/2022/04/Tip-na-denot-final1-678x381.jpg.pagespeed.ce.q-QsTxpUxZ.jpg)
Денес во фокусот секако ќе бидат првите четвртфинални дуели од Лигата на шампиони, а ние за вас ќе го анализираме дуелот помеѓу Реал Мадрид и Челзи.
Ова е еден од најинтересните четвртфинални дуели, бидејќи Реал Мадрид ја брани титулата, додека Челзи бара одмазда за елиминацијата минатата сезона.
Реал Мадрид во ЛШ е секогаш фаворит
Реал Мадрид има посебна традиција во Лигата на шампиони и овој тим е како создаден за големи натпревари. И покрај фактот што не игра добро во Примара и заостанува од лидерот Барселона, сепак Реал никогаш не смее да се отпише во ЛШ. Притоа, Анчелоти е тренер кој фантастично ги води своите тимови во завршницата, а тоа го покажа многу пати до сега. Реал во осминафиналето лесно се справи со Ливерпул и запиша две победи, а сега повторно ќе игра со англиски тим. Минатата сезона „кралевите“ го елиминираа Челзи на патот до финалето, но на „Сантиаго Бернабеу“ го одиграа еден од најлошите натпревари и во еден момент губеа со 0:3, но сепак успеаа да ги елиминураат „сините“. Анчелоти знае дека не треба да ја повтори таа грешка и сигурно ќе сака да победи, па со предност да патува во Лондон. Битката во Примера е веќе загубена, па Реал ќе се фокусира на Лигата на шампиони, а во тоа натпреварување е вистински „крал“.Што се однесува до тимот Анчелоти за овој дуел нема да може да смета само на Менди кој е повреден.
Челзи бара спас на сезоната
Ниту најголемите песимисти не можеа да предвидат вака лоша сезона на Челзи. На самиот почеток дојде нов сопственик, кој направи тренерска смена после неколку лоши резултати, а со доаѓањето на Потер на кормилото резултатите само се влошија. За ситуацијата да биде уште полоша, Челзи потроши огромна сума на нови засилувања, само во јануари пристигнаа играчи за 350 милиони евра, но до сега не донесоа позитивни промени. Во Премиер лигата се на средината на табелата и отпаднаа од трката за Топ 4, па единствен стпас на сезоната гледаат преку Лигата на шампиони. Поради тоа овој дуел за нив ќе биде натпревар на сезоната и ќе направат се за да се пласираат во полуфинале, иако тоа нема да биде лесно. Против Борусија Дортмунд покажаа дека имаат квалитет во двомеч да се спротиставан на секого, па целосно ќе се фокусираат на овие два меча. Пристигна нов тренер, Лампард ќе има додатен мотив да го елиминира Реал бидејќи така може да си заработи долгорочен договор. Што се однесува до тимот, Лампард нема да може да смета на Бадијасчиле и Аспиликуета, а под знак прашалник се и Тиаго Силва и Мејсон Маунт.
Очекување
Според квалитетот и традицијата Реал е фаворит на овој натпревар, но Челзи сигурно нема лесно да се предаде. Двата тима ќе играат претпазливо, бидејќи се свесни дека има реванш и дека победникот може да биде решен дури после продолженија или изведување на пенали.
Be the first to comment