Денес нема многу голема понуда за обложување, а еден од најинтересните дуели се игра во Серија А каде Сасуоло го пречекува лидерот Наполи.
Сасуоло заигра подобро во последно време и се оддалечи од опасната зона, додека Наполи е неприкосновен лидер во Серија А и е во одлична форма.
Сасуоло полека ја враќа формата
Сасуоло после мудијалската пауза влезе во катастрофална форма и запиша серија од неколку порази во низа. Тоа го доведе тимот од „Мапеи“ до опасната зона и до борбата за опстанок, иако се очекуваше многу повеќе од овој тим. Меѓутоа, тимот во последно време заигра многу подобро, па на последните четири меча одигра две ремија и две победи, и тоа против Милан и Аталанта. Поради тоа Сасуоло со голема самодоверба ќе го пречека лидерот и со право се надева на позитивен резултат. Домашниот терен сигурно ќе биде предност, а може од полза да им оди и пристапот на Наполи, кој во вторник игра натпревар од Лигата на шампиони. Сасуоло моментално се наоѓа на 15-то место на табелата, но се уште не е сигурен, па му се потребни бодови. Хендикеп може да биде отсуството на најдобриот поединец, Доменико Берарди кој ќе го пропушти овој меч поради повреда.
Наполи веќе го допре Скудетото
Наполи игра сезона од соништата каква и најголемите оптимисти не можеа да предвидат. Уште сега може да се каже дека Наполи нема ривали во Серија А и дека само прашање на време е кога ќе го освои Скудетото, бидејќи има предност од цели 15 бода пред второпласираниот. Тоа на Наполи му дава можност за калкулации, па се очекува Спалети да ги одмори најдобрите играчи за овој меч, бидејќи за само три дена има тешко гостување во Лигата на шампиони. Секако, тоа не значи дека Наполи не доаѓа на ова гостување по трите бода, но тимот не се наоѓа пред императив победа, а тоа може да го искористи Сасуоло. Спалети напомена дека Наполи оваа сезона има големи амбиции и во Лигата на шампиони, па во Серија А може да си дозволи „луксуз“ да игра со комбиниран тим на овој натпевар.
Очекување
Дуел на два тима кои играат отворен фудбал со многу голови, па очекуваме така да биде и овој пат. Наполи е фаворит, но Сасуоло е во добра форма, а домашниот терен ќе биде предност.
Be the first to comment