Денес има голема понуда за обложување, а ние за вас ќе го анализираме дуелот од Премиер лигата помеѓу Арсенал и Брентфорд.
Арсенал е лидер на табелата, но сега го пречекува тимот со најдобра форма во лигата и Брентфорд сигурно нема лесно да се предаде.
Арсенал сака експресно да се врати на победите
Арсенал игра фантастично оваа сезона и сигурно и најголемите оптимисти не очекуваа дека „топџиите“ после 20 одиграни кола ќе бидат во ваква позиција. Арсенал е на првото место на табелата и со победа на овој меч ќе може да замина на разлика од цели 8 бода пред Манчестер Сити. „Топџиите“ се во одлична форма, но минатото коло доживеаа непријатен пораз на гостувањето кај Евертон. За нивна среќа пораз доживеа и нивниот главен конкурент Манчестер Сити, па ситуацијата на врвот остана статус кво. Сега „топџиите“ ќе сакаат брзо да се вратат на победите, а на „Емирати“ оваа сезона се неприкосновени, иако имаат незгоден противник. Во јануари тимот се засили со Жоржињо, што сигурно ќе биде од голема помош на тренерот Артета. Што се однесува до тимот, тренерот за овој меч нема да може да смета на Жесус и Елнени кои се повредени, а неизвесен е и настапот на Свит Роу.
Брентфорд најпријатно изненадување
Брентфорд оваа сезона е најпријатно изненадување во Премиер лигата. Моментално се наоѓа на 7-то место на табелата и со право се надева и ќе се бори за пласман во европските натпреварувања. Инаку Брентфорд моментално е тим со најдобра форма во лигата и нема пораз на последните 9 меча во Премиер лигата, што е импресивен резултат за овој клуб. Брентфорд игра одлично против фаворитите и оваа сезона веќе ги победи Ливерпул и Манчестер Сити, па сигирно нема лесно да се предаде на ова гостување и со голема самодоверба доаѓа на „Емирати“. Иако знаат дека ќе биде исклучително тешко да останат непоразени, сепак во тимот ќе направат се за да ја продолжат серијата на непобедливост. Во првиот дел од сезоната Брентфорд убедливо беше поразен на домашен терен од Арсена, па тоа ќе биде додатна мотивација. Што се однесува до тимот тренерот нема проблем со повреди и на располагање ќе го има целиот тим.
Очекување
Арсенал е голем фаворит на овој меч поради квалитетот и домашниот терен, но Брентфорд е тим во најдобра форма во лигата и нема лесно да се предаде. Поради тоа очекуваме натпревар со многу голови.
Be the first to comment