Денес има солидна понуда за обложување, а ние за вас ќе го анализираме дуелот во италијанскиот Куп помеѓу Фиорентина и Торино.
Фиорентина се наоѓа на 12-то место на табелата и Купот е единствена шанса за обезбеди пласман во Европа, па овој меч за нив е многу важен. Торино е во истата ситуација и ќе даде се од себе да се пласира во полуфинале.
Фиорентина игра под очекувањата
Фиорентина игра под сите очекувања оваа сезона и сигурно никој во клубот не е задоволен од моменталниот пласман. Фиорентина моментално се наоѓа на 12-то место на табелата и е далеку од местата кои водат во Европа, па сигурно преку Купот гледа единствен начин за спас на сезоната. Сега има противник по мерка и сигурно императив е пласман во полуфиналето, а домашниот терен сигурно ќе биде голема предност. Проблем е што Фиорентина е во лоша форма и на последните пет меча запиша само една победа. Меѓутоа, минатото коло одигра реми против Лацио во Рим и покажа дека полека влегува во форма. Сепак, овој меч е посебен, се игра еден натпревар и Фиорентина сигурно нема да тргне безглаво, бидејќи знае дека може дури и после продолженија или пенали да ја оствари целта. Што се однесува до тимот неизвесен е само Кастровили поради повреда, а сите останати ќе му бидат на располагање на тренерот Италијано.
Торино е непредвидлив оваа сезона
Торино оваа сезона игра топло-ладно и е многу непредвидлив. Особено добро игра против фаворитите, а доказ за тоа е дека во осминафиналето го елиминира Милан од Купот. Сега сигурно ќе сака да го повтори тој подвиг и ќе направи се за да се пласира во полуфинале, што сигурно ќе биде голем успех за овој тим. Во зимскиот преоден рок си замина Саша Лукиќ, кој беше еден од најважните играчи во тимот на Јуриќ, па тоа може да се одрази во играта на тимот. „Биковите“ моментално се наоѓаат на 8-то место на табелата и се во добра форма, бидејќи имаат само еден пораз на последните пет меча. Како замена за Лукиќ пристигна Илиќ од Верона, па ова е шанса за деби за српскиот репрезентативец. Торино сигурно ќе излезе со најсилен тим бидејќи амбициите во Купот се големи оваа сезона, особено после елиминацијата на Милан. Самодовербата сигурно ќе биде голема бидејќи Торино победи на последните два дуели со Фиорентина.
Очекување
Очекуваме неизвесен меч со мала предност на Фиорентина поради домашниот терен. Влогот е голем па веруваме дека двата тима ќе играат претпазливо и победникот може да биде решен дури после продолженија или изведување на пенали.
Be the first to comment