Денес продолжува шпанската Примера со натпреварите од 15-то коло, а најинтересниот меч се игра на „Бенито Виљамарин“ каде Бетис го пречекува Атлетик Билбао.
Двата тима се наоѓаат во горниот дел од табелата, Бетис е на 6-то место, додека Билбао е на 4-то место со ист број бодови. Поради тоа овој меч е од исклучително значење за двата тима.
Може ли Бетис конечно во Лигата на шампиони?
Бетис минатата сезона играше фантастично, но малку не достасуваше да се пласира во Топ 4, па на крајот заврши на 5-то место на табелата. Добрите партии продолжија и оваа сезона, па моментално се наоѓа на шестото место со ист број бодови како четвртопласираниот тим. Целта и оваа сезона е пласман во Лигата на шампиони, иако тоа ќе биде тешко поради големата конкуренција. Сепак, минатата сезона сите ќе ја паметат по освојувањето на Купот откако во финалето слабеа над Валенсија после изведувањето на пенали. Бетис оваа сезона игра во Лигата на Европа без поголеми проблеми заврши на првото место на табелата и се пласира во осминафиналето. На последните пет меча Бетис запиша само една победа, па впечатокот е дека мундијалската пауза пристигна во вистинско време за овој тим и сега сигурно ќе сака да им се врати на победите, особено бидејќи игра со директен конкурент.
Целта на Билбао е пласман во Топ 4
Билбао минатата сезона не успеа да избори пласман во европските натпреварувања бидејќи на крајот заврши на осмото место на табелата. Оваа година е на добар пат да ја оствари целта бидејќи игра фантастично и моментално се наоѓа на четвртото место на табелата. Секако, пласман во Топ 4 ќе биде исклучително тешко за овој тим бидејќи конкуренцијата е голема, но и пласман во Лига Европа секако ќе биде успех. Билбао пред Мундијалската пауза беше во добра форма, но треба да се напомене дека многу подобро игра на домашен терен. Меѓутоа, она што е добро е што Билбао по традиција игра добро против Бетис и има подобар скор во меѓусебните дуели.
Очекување
Очекуваме израмент дуел на два одлични тима кој ќе го одлучат деталите. Двата тима играат отворен фудал, па очекуваме голови на двете страни.
Be the first to comment