Денес на програмата се осминафиналните натпревари од Светското првенство, а најголемо внимание секако привлекува дуелот помеѓу Полска и Франција.
Франција ги оправда очекувањата и го освои првото место во групата каде беше голем фаворит, додека Полска стравуваше до последните моменти, но сепак успеа да се пласира во осминафинале, што е голем успех за оваа репрезентација.
Франција сака да испише историја
Франција сака да испише историја и да биде првата репрезентација која успеале да ја одбрани титулата. Избраниците на Дешамп имаат квалитет и искуство за тоа, па се едни од главните фаворити и на овој Мундијал. Во групата фаза покажаа дека отсуството на важни фудбалери не им е проблем, играат одличен фудбал и имаат тим да стигнат до финалето. Во последниот меч од групата селекторот имаше можност да излезе со мешан тим и да ги одмори главните ѕвезди, па тоа може да се покаже како клучно. „Триколорите“ секако се големи фаворити против Полска и се друго освен победа ќе биде големо изненадување. Иако беа поразени од Тунис во третото коло, сепак се чини дека тоа не влиаеше многу на атмосферата, Франција го одработи своето во првите два меча и го освои првото место во групата. Дешамп за овој меч се очекува да го извади истиот тим како во првите две кола, а најголема опасност за противниците е секако Килијан Мбапе, кој покажа дека е во одлична форма.
Полска ја постигна целта со пласман во осминафинале
Полска ја оствари целта на овој Мундијал со самиот пласман во осминафиналето, па сега секој додатен успех би бил екстра. Во групната фаза оваа репрезентација не покажа многу, но сепак успеа да заврши како второпласирана, најмногу поради фактот што Мексико не успеа да постигне уште еден гол против Саудиска Арабија. Може да се каже дека Полска одигра добро само против С. Арабија и таа победа на крајот се покажа како доволна за осминафинале. Сепак, протув Аргентина овој тим ги покажа сите свои лимити и фактот дека не може да се потпира само на Левандовски. Сигурно дека ќе се ориентираат на одбрана на овој меч и ќе бараат можност преку контранапади да постигнат гол против Франција.
Очекување
Франција е голем фаворит на овој меч и очекуваме дека ќе успее да оствари победа и да се пласира во четвртфинале.
Be the first to comment