Денес на програмата се три натпревари во Светското првенство, а во вечерниот термин силите ќе го одмерат репрезентациите на САД и Велс.
Ова е натпревар од групата Б, каде уште се наоѓаат Англија и Иран. Поради тоа овој дуел е важен за двете репрезентации, бидејќи се борат за второто место во групата и пласман во нокаут фазата.
Американците бркаат пласман во нокаут фазата
Американците под водство на селекторот Грег Берхалтер за првпат после многу долго време завршија трети во нивната квалификациска зона, зад Канада и Мексико. Се пласираа на Мундијалот бидејќи имаа подобра гол-разлика од Костарика. За популарните Јенки ова ќе биде единаесетто учество на Мундијалите, а главна ѕвезда секако е играчот на Челзи, Кристиан Пулишиќ. Најголемиот успех на Американците на едно Светско првенство е во далечната 1930 година кога играа полуфинале. Без разлика што не играа доволно добро во квалификациите, оваа генеранција на САД секако има квалитет да стигне до нокаут фазата. САД игра во формација 4-3-3, па најмногу се опасни преку крилните напаѓачи, а покрај Пулишиќ тука се Мекени од Јувентус и Сержињо Дест, кој моментално игра во Милан. На последните шест меча САД играше променливо, а последно одиграа реми против Саудиска Арабија. Со оглед на фактот дека се очекува Англија да биде прва во групата, ова за избраниците на Берхалтер ќе биде клучен меч во групата.
Колку можат Бејл и другарите?
Одличните партии на Велс во последно време не се никаква случајност, па после пласманот на Европско првенство, оваа репрезентација успеа да се пласира и на Мундијал и тоа после цели 64 години. Во квалификациите освоија 2. место во група со Белгија, Чешка, Естонија и Белорусија. Во баражот се провлекоа против Украина (1:0) и стигнаа до долгоочекуваниот Мундијал. Акктуелниот состав се потпира на ветераните Герет Бејл и Арон Ремзи, но секако голема ѕвезда на репрезентацијата е и Даниел Џејмс. Познато е дека Бејл има најголемо влијание на игрити на репрезентацијата, а тој е во одлична форма, откако неодамна му помогна на ЛА Галакси да стигне до трофеј. Интересно е што Велс не одигра припремен натпревар пред Мундијалот и нивни последен меч е во Лигата на нации каде загубија од Полска на домашен терен. Инаку Велс и САД до сега одиграле само два меѓусебни дуели, едниот заврши со победа на Американците, а другиот реми. Според силите во групата ова е дуел на две репрезентации кои се борат за второто место.
Очекување
Со оглед дека двете репрезентации играат офанзивен и отворен фудбал, очекуваме возбудлив меч со голови на двете страни, но меч кој сигурно ќе биде многу израмнет.
Be the first to comment