По уште една доцна капитулација во Лигата на шампионите оваа недела, Аталанта се враќа на должност во Серија А со патување во Сардинија, каде што ќе се сретне со Каљари.
Мечот се игра во саботата навечер, при што гостите победија само на два од седумте натпревари одиграни минатиот месец, а домаќините се заглавени во зоната за испаѓање откако забележаа само една победа во лигата досега оваа сезона.
Гасперини размислува само на три бода
Аталанта беше блиску да обезбеди три витални бода за пласман во нокаут фазата од Лигата на шампионите, но уште еднаш настрада од Кристијано Роналдо, кој ги постави конените 2:2 во 91-та минута. Како последица на тоа, Манчестер Јунајтед е изедначен на врвот во групата Ф со Виљареал, а Аталанта мора да слави на следните два меча ако сака во нокаут рундата.
Проблемот кај Аталанта е малата ширина на тимот. Имаат само 16 стандардни играчи и ако тоа не беше голем проблем во минатото кога Аталанта и немаше високи амбиции, сега тој проблем излага на виделина.
Гасперини е свесен за тоа и се обидува со ротации да одмори дел од фудбалерите, но тоа до сега не му успева кога во прашање се бодовите. Очекувањата се големи, притисокот исто така и сега екипата нема друга опција освен победа против Каљари.
Аталанта гази на гостински терен
По нивната четврта победа од пет натпревари на гости оваа сезона во Серија А, Аталанта се искачи на петтото место на табелата непосредно пред гостувањето кај Лацио минатиот викенд. Сакаа победа, но сепак се спасуваа на крајот и со голот на Де Рон дури во 94-та минута извлекоа реми 2:2.
Гостинскиот терен сепак за нив е предност сезонава. И покрај тоа што сега имаат само една победа од шест домашни натпревари во лигата, од сегашните тимови во првата лига на Италија, Аталанта е непобедена најдолго време надвор од домашен терен. Со продолжување на таа магија на 11 натпревари, од кои славеа на осум, момците на Гасперини ќе го надоместат слабиот почеток во Бергамо.
Всушност, пред нивното патување на југ овој викенд, 13 од нивните 19 поени дојдоа од гостинските дуели.
Очајна сезона за домаќинот
Седмиот пораз во сезоната во понеделникот вечерта донесе мрачен почеток на ноември за Каљари, кој остана на дното на табелата како последица на нивниот пораз од Болоња со 2:0.
Каљари веќе и го смени тренерот, но тоа не им донесе никаква позитива, откако под водство на Мацари имаат само една победа, две ремија и пет порази.
Во последните три меча загубија од Фиорентина, Рома и Болоња со седум примени гола и само еден постигнат гол, што е загрижувачки. Јасно е дека екипата ќе се бори за опстанок сезонава до самиот крај, но ако не почнат да освојуваат бодови пред Божиќ, нивните надежи за опстанок значително ќе се намалат.
Каљари со проблеми во нападот
Бидејќи проблемите со повредите продолжуваат да го влошуваат нивниот почеток на сезоната, Аталанта се очекува да остане без редовните избори, вклучувајќи ги Робин Госенс и капитенот Рафаел Толои во сабота навечер. Матео Песина и Ханс Хатебоер, исто така, повторно ќе бидат надвор од тимот.
Валтер Мацари на другиот дел од теренот можеби ќе сака да ја ротира својата навална линија.
Додека капитенот Жоао Педро има загарантирано место меѓу првите двајца во нападот на домаќините, Леонардо Паволети може да се најде на клупата, иако алтернативната опција Кеита Балде ќе го пропушти овој меч.
Дефанзивецот Мартин Касерес дефинитивно ќе им недостига на домаќините овој викенд, бидејќи ја одлежува суспензијата поради добиениот црвен картон во понеделникот.
Be the first to comment