Јасно е кое е најголемо дерби овој викенд и тоа не само во Италија, туку и во Европа. На програмата е дербито Дела Мадонина помеѓу Интер и Милан кое е едно од најстарите гратски дерби натпревари во Италија.
Гатузо доби доверба, а Милан почна да победува
Имаше периоди оваа сезона, каде што извештаите од апенините сугерираа дека Џенаро Гатузо е блиску до излезната врата од Милан. Но раководството на Милан одлучи да покаже вера во легендата на клубот и веројатно не погреши.
Милан се наоѓа во серија од 10 натпревари без пораз во Серија А, а во тој период собра дури 23 поени, доволни за да го сместат клубот во пол-позиција за местата кои водат во Лигата на шампионите следната сезона.
Токму пласманот на една од првите четири позиции на табелата се смета за висок приоритет на тимот, а сите во клубот ќе бидат очајни за успех против своите соседи во недела вечер.
Милан е целосно посветен на Серија А, а Пиатек е потег на сезоната
На големо изненадување на сите, Милан испадна од Лигата на Европа многу порано од очекувањата. Сепак, нивното рано испаѓање од натпреварувањето оваа сезона се покажа како пресвртница во позитивна смисла. Гатузо целосно се насочи кон Серија А и тоа е нивната голема предност во однос на нивните ривали сезонава. Исто така пристигнувањето на Пиатек во јануари беше потег на сезоната.
Игуаин имаше постигнато 6 голови во цела полусезона пред да направи трансфер во Челзи. Пиатек пак постигна исто толку голови во првите 7 средби за Милан. Тоа само по себе говори за Пиатек, за одличниот потег на Милан со неговиот ангажман, но и за зголемените амбиции на екипата.
Гатузо е малку загрижен бидејќи неговиот тим не е во најдобра форма на почетокот на март и покрај двете победи месецов. Тие славеа над Сасуоло и Киево, но тесно и многу тешко.
Сепак, начинот на победите е уште еден доказ дека ова е група на играчи кои се подготвени да се борат за својот менаџер во време кога многу од нивните ривали имаат различни приоритети на повеќе фронтови.
На Спалети му гори под нозете
Она што го напишавме за Милан и Гатузо, важи и за Интер. И во оваа екипа се споменува смена на тренерот, бидејќи Спалети како да ја ипушта контролата врз екипата. Имаше извештаи дека Интер се подготвени да го сменат Лучијано Спалети во текот на летото, а неодамнешната форма на клубот нема да направи ништо за промена на нивното мислење.
Само 11 поени беа освоени во осумте последни натпревари во Серија А, а Интер беше исфрлен и од Лигата на Европа од Ајнтрахт Франкфурт во четвртокот вечерта.
Резултатите се совпаднаа со проблемите со ѕвездата и неодамнешен капитен на тимот, Мауро Икарди. Но Интер и покрај тоа се очекуваше да биде многу подобар и дома и во Европа, со оглед на квалитетот што се уште е присутен во нивниот состав.
Интер до крајот ќе се бори за пласман во Лигата на Шампиони
Лигата на Европа се сметаше за уште една дополнителна можност за пласман воЛигата на шампионите следната сезона, а неуспехот против Франкфурт само ги зголемува влоговите пред средбата овој викенд.
Спалети е свесен дека поразот ќе се смета за катастрофа со оглед на моенталните лигашки позиции на двете екипи. Но и нерешено неможе да се гледа во позитивно светло со оглед на тимовите со кои Интер мора да се соочи до крајот на сезоната.
Интер мора да биде претпазлив бидејќи Рома се доближи до неговото четврто место на табелата на само три бода. Торино и Аталанта се исто така добро расположени да ја искористат катастрофалната форма на Интер.
Најголемиот предизвик на Спалети би можел да најде нападот на екипата. Лаутаро Мартинез игра добро од почетокот на годинава. Во последниве неколку кола и Политано влегува во добра форм и постигнува голови. Но тие двајца немаат премногу помош од своите колеги и тоа е нешто што мора да се промени, ако интер сака позитивен резултат против Милан.
Наш предлог:
Be the first to comment