Денес има солидна понуда за обложување, но во центарот на вниманието секако ќе биде отварањето на новата сезона во Премиер лигата и мечот помеѓу Манчестер Јунајтед и Фулам.
Засилениот Јунајтед сака да направи исчекор
Минатата сезона Манчестер Јунајтед ја започна со големи очекувања, но на крајот повторно разочара. Заврши без пласман во Лигата на шампиони, а сезоната сепак ја спаси со трофеј во ФА Купот. Тоа сепак е премалку за овој клуб, кој веќе неколку години е далеку од битката за титулата. Раководството се одучи да го задржи тренерот Тен Хаг и донесе неколку големи засилуавња, па навивачите конечно очекуваат големи успеси оваа сезона. Тен Хаг го засили најслабиот дел од тимот, одбраната, каде пристигнаа Лени Јоро, Де Лихт и Мазрауи, а нападот го засили со Зиркзе. Јунајтед оваа сезона сака да направи исчекор и да се бори за титулата, па мора добро да ја отвори сезоната со победа пред своите гледачи, а има тим по мерка.
Фулам без големи очекувања сезонава
Фулам минатата сезона ги исполни очекувањата, па иако остана без важни фудбалери како Митровиќ, сепак заврши на средината на табелата. Опстанокот никогаш не беше доведен во прашање, а ова лето го задржи костурот на тимот и дополнително се засили. Сепак, примарна цел е обезбедување на опстанок, а се повеќе од тоа би било неочекувано. Според квалитетот овој тим тешко е да се поверува дека може да се замеша во битката за Европа. Има тежок старт и по традиција игра лошо на гостувањата на Олд Трафорд.
Очекување
Квалитетот и традицијата се на страната на Јунајтед и очекуваме победа, иако Фулам е незгоден и нема лесно да се предаде.
Be the first to comment