Денес продолжуваат осминафиналните натпревари на Европското првенство, а ние за вас ќе го анализираме дуелот помеѓу Швајцарија и Италија.
Швајцарија блеска на големите натпреварувања
Швајцарија уште еднаш покажа дека е репрезентација која игра одлично на големите натпреварувања.Швајцарците играат стандардно добро на турнирите и без поголеми проблеми ја минаа групната фаза. Во последниот меч имаа предност против домаќинот Германија буквално до последната минута и за малку не завршија први во групата.На минатото Европско превнство Швајцарија ја елиминира фаворизитаната Франција и се пласира во четвртфинале, па поради тоа не може да се каже дека е аутсајдер во овој меч. Притоа, Швајцарија има одличен скор против Италија и на последните пет меча загубија само еднаш, па со голема самодоверба влегуваат во овој меч.
Италија едвај се „провна“ во групната фаза
Актуелниот европски шампион не ги оправда очекувањата во групната фаза и едвај се пласираше во осминафиналето. Тоа и не е така чудно за Италија која знае да игра турнирски и во нокаут фазата секогаш знае да изненади. Во последниот меч против Хрватска беа пред елиминација, но со голот на Закањи буквално во последната минута дојдоа до реми кое им овозможи пласман во нокаут фазата. „Аѕурите“ сега имаат противник кој не им е по мерка. Имено, против соседите на последните пет меча дури четири пати одиграа реми. Така очекуваме да биде и овој меч, многу неизвесно и да го одлучуваат мали детали.
Очекување
Овие две репрезентаации по традиција играат неизвесни дуели, па овој пат влогот е голем и можно е победникот да биде решен дури после продолженија или изведување на пенали.
Be the first to comment