Денес нема голема понуда за обложување, но секако фудбалските очи ќе бидат вперени во финалето на Лига Европа помеѓу Аталанта и Баер Леверкузен.
Аталанта заслужува трофеј
Години наназад Аталанта е во самиот врв на италијанскиот фудбал и слободно може да се каже дека овој тим ја има златната ера. Минатата сезона Аталанта стигна до позиција која води во Лига Европа и сега успеа да стигне до финалето од ова натпреварување. Тие немаа големи проблеми на тој пат, а како најголем успех за оваа сезона секако е триумфот и елиминацијата на Ливерпул во нокаут фазата од Лига Европа. Иако со години Аталанта игра одличен фудбал под водство на Гасперини сепак немаат некој значаен триумф, а неодамна го загубија и финалето од италијанскиот Куп. Поради тоа во секој случај ова е историски меч за Аталанта и со евентуална победа ќе испише историја на клубот со освојување на европски трофеј.
Леверкузен игра историска сезона
Ниту најголемите оптимисти не можеа да замислат ваква сезона за „фармацевтите“. Оваа сезона во секој случај е историска за Баер Леверкузен, кој ја освои титулата во Бундеслигата и тоа на доминантен начин и го симна Баерн Минхен од тронот. Тренерот Чаби Алонсо направи одличен тим и се промовираше во врвен стратег, па впечатокот е дека оваа сезона се функционира во тимот. Леверкузен веќе го собори рекордот за број на натпревари без пораз, па овој тим едноставно има заборавено како е да се биде поразен. Тоа им дава голема самодоверба пред ова финале, но сепак нема да си дозволат луксуз да ја потценат Аталанта. После историската титула во Германија, европски триумф би направил оваа сезона со златни букви да биде запишана во историјата на клубот.
Очекување
Дуел на два тима кои играат отворен фудбал и сакаат да се надигруваат со противникот, па иако е финале очекуваме ефикасен меч.
Be the first to comment