Денес има солидна понуда за обложување, но сепак најголемо внимание привлекува дуелот од Премиер лигата помеѓу Астон Вила и Ливерпул.
Ова може да биде историска сезона за Астон Вила
Астон Вила одлично ја отвори сезоната беше најпријатното изненадување во Премиер лигата и во еден момент беше на лидерската позиција. Јасно беше дека овој тим не може да се бори за врвот, па дојде до очекуван пад на формата и тимот моментално се наоѓа на четвртото место на табелата. Емери одлично го води тимот, па сега амбициите се зголемија и Астон Вила сигурно до крајот на сезоната ќе се бори за место во Топ 4, што би било историски успех за тимот од Бирмингем, доколку успее да обезбеди место во Лигата на шампиони. Тоа нема да биде воопшто лесно, но Астон Вила е во добра позиција, иакона последните два меча потфрли. Сега има незгоден противник, но тимот на Емери покажа дека игра најдобро против фаворитите. Астон Вила не се предава и приоритет е да остане на четвртото место, па ова може да биде клучен натпревар и со победа ќе бидат чекор поблиску.
Ливерпул отпадна од трката за титулата
Ливерпул до пред неколку кола беше лидер на табелата и главен фаворит за титулата. Меѓутоа, на последните пет меча доживеа два порази и едно реми и падна на третото место на табелата. Особено шокантен беше поразот од Кристал Палас на домашен терен, па потоа со поразот од Евертон дефинитивно се простија од титулата. Клоп соопшти дека ова е последна сезона за него на кормилото, па тоа требаше да му даде посебен мотив на тимот да го испрати со титула. Меѓутоа, „црвените“ ова сезона нема да освојат трофеј, а секако ќе мора да се задоволат со пласман во Топ4. Сега гостува кај незгоден ривал и сигурно нема лесно да се предаде, иако за Ливерпул овој меч нема резултатско значење.
Очекување
Дуел на два одлични тима кои играат отворен фудбал, па веруваме дека ќе има голови на двете страни и очекуваме ефикасен меч.
Be the first to comment