Денес во фокусот секако ќе бидат натпреварите од нокаут фазата во Лигата на шампиони, а ние за вас ќе го анализираме дуелот помеѓу Лајпциг и Реал Мадрид.
Лајпциг дома не се плаши од никого
Лајпциг веќе втора сезона игра стандардо добро во Лигата на шампиони, особено на домашен терен. Без поголеми проблеми успеа да ја мине групната фаза, иако воопшто немаше лесна група. Запиша два порази од Манчестер Сити, но и во тие натпревари покажа дека сака да се надигрува и не се плаши од никого. Меѓутоа, овој натпревар доаѓа во многу лош момент за Лајпциг, бидејќи тимот е во многу лоша форма. На последните пет меча запиша три порази и едно реми, а сега на гости им доаѓа еден од најсилните тимови во лигата. Ждребот не беше поволен за Лајпциг, но нема да влезе во овој меч нема да влезе со кренато „бело знаме“ и ќе се обиде да ја искористи предноста од домашен терен.
Реал повторно цели на трофејот
Лигата на шампиони е во ДНК на Реал Мадрид и „кралевите“ секоја година атакуваат на најпрестижниот трофеј. И оваа сезона се еден од најголемите фаворити во Лигата на шампиони, а тоа го потврдија со игрите во групната фаза. Тимот на Анчелоти се наоѓа во одлична форма, иако за овој меч ќе има проблем со повредени фудбалери, особено во одбраната. Покрај квалитетот нивна голема предност е искуството во вакви двомечи и Анчелоти, кој е „доктор“ за ова натпреварување. Реал е фаворит во двомечот, но сигурно нема да тргне безглаво од самиот старт, па ќе се обиде да се врати во Мадрид со позитивен резултат, а тоа може да биде и реми.
Очекување
Дуел на два тима со исклучително силни напади кои играат отворе фудбал, а тоа е предуслов за возбудлив натпревар со многу голови.
Be the first to comment