Денес нема голема понуда за обложување, а во фокусот секако ќе биде дербито во Серија А помеѓу Јувентус и Наполи.
Јувентус сака да покаже дека е спремен за Скудето
Јувентус се соочува со големи проблеми оваа сезона. Најпрво беше суспендиран Погба, а потоа и Фаџоли, па тоа сигурно влиаеше на тимот. Меѓутоа, Јувентус игра според очекувањата, па и покрај негирањата од Алегри сигурно главна цел оваа сезона за „бјанконерите“ ќе биде Скудетото. Серијата на победи му дадоа на тимот голема самодоверба и се искачи на второто место на табелата. Сепак, впечатокот е дека тимот се уште не е балансиран, се мачи во секој натпревар, но ја постигнува целта и остварува победи. Минатото коло оствари тешка победа против Монца и за момент се искачи на првото место на табелата. Неиграњето во Европа сигурно ќе биде голема предност за Јувентус оваа сезона, но се уште не се знае точно потенцијалот на овој тим. „Старата дама“ веќе подолг период запишува само минимални победи, па јасно е дека најсилниот дел од тимот е одбраната. Меѓутоа, ова ќе биде најголемиот тест за Јувентус оваа сезона и исходот ќе влијае многу на понатамошниот дел од сезоната.
Наполи под очекувањата оваа сезона
Наполи лошо ја отвори сезоната и веќе после првите неколку кола заостануваше зад лидерот. Актуелниот шампион не ги оправда очекувањата оваа сезона и моментално заостанува девет бода зад лидерот. Поради тоа дојде до тренерска смена, па на клупата пристигна Мацари. Тоа му даде позитивна енергија на тимот, па веднап оствари важна победа на гостувањето кај Аталанта. Меѓутоа, минатото коло беше убедливо поразен од Интер на свој терен. Поради тоа ова за Елмас и дружината е најважниот меч во сезоната. Со победа на ова дерби Наполи може да се врати во игра за самиот врв, но доколку запише уште еден пораз ќе го загрози и местото за пласман во Топ 4. Осимен е комплетно опоравен и ќе биде во стартниот тим, а Мацари има проблем на позицијата лев бек бидејќи повредени се Марио Руи и Оливера.
Очекување
Ова дерби е секогаш непредвидливо и носи големи изненадувања, но готово секогаш е возбудливо и богата со голови, па веруваме дека така ќе биде и овој пат.
Be the first to comment