Денес во фокусот повторно ќе бидат квалификациските натпревари за ЕП, а ние за вас ќе го анализираме дуелот помеѓу Украина и Англија.
Англија е перфектна со четири победи на стартот и моментално е лидер во групата, додека Украина имаше одличен старт и после три меча има шест бода и се наоѓа на второто место на табелата.
Украина ќе се бори до самиот крај
Во група со Англија и Италија оваа репрезентација секако е аутсајдер, но ќе се бори до самиот крај за да се пласира на Европско првенство. После три одиграни кола има две победи и еден пораз, па моментално се наоѓа на второто место на табелата. Украина ја победи Македонија на гости и Малта, но јасно е дека ќе мора да се бори со Италија до самиот крај и шансите не се многу големи. Најважни натпревари за Украина во оваа група ќе бидат двата меча со Италија, кои на крајот можат да бидат пресудни. Сепак, доколку успее да земе бодови на домашен терен против Англија ќе биде од голема предност и затоа овој меч е многу важен за нив. Секако најважни во оваа репрезентација се Мудрук од Челзи и Зинчеко од Арсенал, па играта на репрезентацијата зависи најмногу од нив двајца.
Англија пефектна на стартот
Англија е прва фаворит во оваа група и тоа го оправдува од самиот старт на квалификациите. После четири одиграни кола ги има сите победи и е лидер во групата. Секако, најважна е победата во првото коло на гости кај Италија со која најавија дека избраниците на Саутгејт се далеку пред сите во оваа група и дека сакаат да бидат победници. Против Македонија запишаа висока победа од 7:0 што додатно им ја поткрена самодовербата, а сега ова е едно од најтеѓките гостувања во овие квалификации. Во секој случај „Гордиот Албион“ е фаворит и ќе оди на трите бода на овој меч. За овој меч селекторот Саутгејт нема да може да смета на Лук Шо, Мејсон Маунт, Рис Жејмс, но во секој случај Англија има огромен ростер и нема да се почуствуваат отсуствата.
Очекување
Очекуваме неизвесен меч помеѓу две силни репрезентации, но исто така веруваме дека ќе има голови на двете страни.
Be the first to comment