Денес нема голема понуда за обложување, а во фокусот секако ќе биде полуфиналето во Лигата на нации помеѓу Шпанија и Италија.
Легендарен дуел на две европски репрезентации, кои ќе се борат за пласман во финалето, а целта е секако да се освои трофејот.
Шпанија е благ фаворит
Шпанците со новиот селектор добро ги отворија квалификациите за ЕП со победа над Норвешка, но потоа следуваше шокантен пораз од Шкотска. Овде „црвената фурија“ нема право на кикс ако сака да игра во финалето, а посебен мотив е што игра против еден од најголемите ривали. Шпанија има млада репрезентација, но многу квалитетна и минатата година токму во полуфиналето ја елиминира Италија и тоа на „Сан Сиро“. Сега дуелот се игра на неутрален терен во Холандија, но „фуријата“ секако е фаворит за пласман во финалето. Секако репрезентацијата се потпира на млади фудбалери како Гави, Педри, Балде, но и покрај младоста тимот е искусен и гладен за трофеи.
Италија гледа шанса за трофеј
Неиграњето на Мундијалот беше голем удар за една од најтрофејните репрезентации, која сега конечно гледа шанса за трофеј и сигурно ќе сака да се пласира во финалето. Меѓутоа, Италија има смена на генерации, Манчини пробува многу нови фудбалери, па искрено тешко дека ќе може да ја победи Шпанија. Квалификациите ги отворија со пораз од Аглија на домашен терен и тука се виде дека „аѕурите“ моментално заостануваат зад најквалитетните селекции. Носителите на тимот кој го освои Европското првенство веќе ја напуштија репрезентацијата, па сега тимот се потпира на Верати, Киеза, Барела и Донарума. Во секој случај Италија нема лесно да се предаде, а познато е дека игра најдобро кога е најпотребно.
Очекување
Натпреварите на овие две селекции се секогаш непредвидливи, но исто така и богати со голови, па очекуваме така да биде и овој пат.
Be the first to comment