Денес нема голема понуда за обложување, а во фокусот секако ќе биде финалето во Конференциската лига помеѓу Фиорентина и Вест Хем.
Ова за двата тима е уникатна шанса да стигнат до европски трофеј, што ќе биде историски најголем успех, но и билет за играње во Европа следната сезона.
За Фиорентина ова е најважен меч во поновата историја
Фиорентина после неколку лоши сезони конечно игра одлично под водство на тренерот Италијано и оваа сезона стигна не само до финалето на Купот туку и во финале на Лига на конференции. Славниот клуб од Фиренца повеќе од две децении чека на трофеј и сега има одлична можност да стигне до него. Во првенството Фиорентина заврши на 8-то место и не избори пласман во Европа, па со триумф не само што ќе освои трофеј, туки и билет за Лига Европа за следната сезона. Ова е еден од најважните натпревари во историјата за овој италијански клуб, па сигурно ќе дадат се од себе за да стигнат до трофеј. Иако, тоа нема да биде воопшто лесно бидејќи имаат респектабилен противник, кој според квалитетот е мал фаворит. Фиорентина во полуфиналето го елиминира Базел, а претходно Лех, па немаше лесен пат за да стигне до тука. Што се однесува до тимот, Италијано ќе ги има на располагање сите фудбалери, само Кастроволи е под знак прашалник.
Вест Хем е благ фаворит во финалето
Вест Хем не може да биде задоволен од оваа сезона во Премиер лигата, бидејќи амбициите на тимот беа многу поголеми. Во летниот преоден рок „чеканите“ доведоа големи засилувања, потрошија голем буџет, а оваа сезона до крај се бореа за опстанок. Вест Хем долго време беше во зоната за испаѓање, иако според квалитетот овој тим може да се бори за излез во Европа. Меѓутоа, настапите во Европа можат да ја спасат сезоната бидејќи овој тим успеа да игра европско финале.Иако англиските клубови не влегуваат со респект во ова натпреварување, сепак Вест Хем стигна до финале, а финалињата секој клуб сака да ги добие. Тоа ќе биде шанса за европски трофеј и најголем успех во поновата историја на лондоскиот клуб. Според квалитетот Вест Хем е фаворит на овој меч, меѓутоа треба да внимава бидејќи Фиорентина влезе во оптимална форма во последно време. Што се однесува до тимот тренерот единствено не може да смета на Скамака за овој меч.
Очекување
Вест Хем е влаг фаворит според квалитетот, но Фиорентина е тактички многу посилна, а финалињата секогаш се играат на „италијански начин“. Очекуваме израмнет меч кој ќе го одлучуваат мали детали, а победникот може да биде решен и после изведување на пенали.
Be the first to comment