Денес има богата понуда за обложување, а ние за вас ќе го анализираме дуелот од Серија А помеѓу Интер и Фиорентина.
Интер влезе во серија на лоши резултати и го доведе во прашање пласманот во Топ 4, па бодовите им се прекупотребни, а Фиорентина е во извонредна форма, а тоа е предуслов за возбудлив натпревар.
Интер мора да ја подобри формата
Интер влезе во неочекуван пад на формата и запиша три порази на последните четири меча, па падна на третото место на табелата. Сега „нероаѕурите“ го доведоа во прашање пласманот во Топ 4, конкуренцијата е голема, па немаат право на кикс. Се чини дека репрезентативната пауза дојде во вистинско време за Интер после два последователни порази, а особено болен е оној од најголемиот ривал Јувентус на домашен терен. Факт е дека Интер оваа сезона не игра добро и не е константен, но секако дека овој тим во најмала рака се очекува пласман во Топ 4. Поради тоа Инзаги мора што побрзо да ја поправи формата и да почне да победува, особено на домашен терен. Проблем може да биде повредата на Чалханоглу, кој оваа сезона игра одлично, а за овој меч Инзаги нема да може да смета и на Скриниар.
Фиорентина е во одлична форма
Фиорентина влезе во извонредна форма и во овој дуел влегува со четири победи по ред, па атмосферата во тимот е одлична. „Виолетовите“ моментално се наоѓаат на 9-то место на табелата, па сигурно до крај ќе се борат за излез во Европа, иако во еден дел од сезоната имаат голема резултатска криза. Не треба да се заборави дека овој тим е во полуфиналето на Купот и со оглед дека ќе игра против Кремонезе, големи се шансите да се бори за трофејот. Фиорентина по традиција игра лошо во Милано, но ќе се обиде да ја искористи лошата форма на Интер и да дојде до позитивен резултат. Фиоретина долго нема победа против „нероаѕурите“, па сигурно дека ќе сака што побрзо да ја прекина црната серија. Што се одесува до тимот, тренерот Италијано на располагање ќе ги има сите фудбалери и единствено под знак прашалник е Лука Јовиќ.
Очекување
Квалитетот и домашниот терен се на страната на Интер, но Фиорентина е во подобра форма, па очекуваме неизвесен дуел со голови на двете страни.
Be the first to comment