Денес на програмата се натпреварите од осминафиналето во Лига Европа, а секако дебито се игра во Лисабон помеѓу Спортинг и Арсенал.
Арсенал е лидер во Премиер лигата, но сигурно нема да ја потцени Лига Европа бидејќи гледа шанса за европски трофеј. Спортинг секогаш добро се претставува во Европа и за малку не ја помина групата во ЛШ, па тоа е предуслов за одличен меч.
Спортинг е само бледа сенка на тимот од минатата сезона
Спортинг оваа сезона игра многу послабо во споредба со претходните две сезони кога ја освои титулата во Португалија. Меѓутоа, второто место на табелата не е лош резултат бидејќи тоа носи директен пласман во Лигата на шампиони, што е главната цел на овој тим. Тимот од Лисабон одлично се претстави оваа сезона во групната фаза од ЛШ, но немаше среќа. Во последното коло само минути го делеа од пласман во следната фаза, но за жал заврши на третото место и мораше да продолжи во Лига Европа. Спортинг немаше среќа ниту во ждребот бидејќи во осминафиналето го доби еден од главните фаворити за титулата. Во претходното коло супериорно го елиминираа Митиланд, па сигурно нема лесно да се откажат. Тимот е во одлична форма и има само еден пораз на последните осум меча, а особено добро игра на домашен терен. Поради тоа сигурно Спортинг ќе даде се од себе за да обезбеди предност на домашен терен и со предност да патува во Лондон на реваншот. Што се однесува до тимот, тренерот Аморим за овој меч нема да може да смета на Браганца и Угарте.
Арсенал сака СЕ оваа сезона
Арсенал игра сезона каква ниту најголемите оптимисти не можеа да замислат. Најпрво се мислеше дека тоа е само одличен старт на сезоната и дека „топџиите“ ќе паднат после Мундијалот, но тимот на Артета покажа одличен континуитет. „Топџиите“ моментално се лидери на табелата во Премиерлигата и сигурно тоа е главната цел, да се освои титулата после долги години. Имаат млад тим, полн со квалитет и гладен за успех, па сигурно нема да ја потценат Лига Европа. Арсенал супериорно ја освои групата и се пласира во осминафинале, а сега ќе го има најголемиот европски тест оваа сезона. Меѓутоа, според изјавите на Артета тимот сигурно ќе направи се од себе да оди до финалето во Лига Европа, бидејќи гледа шанса за европски трофеј после долги години. Сепак, ако треба да се извере приоритет тоа секако е Премиер лигата, па Арсенал ќе биде повеќе фокусиран на тоа. Што се однесува до тимот Артета нема да може да смета на Тросар и Елнени, додека под знак прашалник се Нкетија и Жесус.
Очекување
Дуел на два тима кои играат брз, отворен фудбал и сакаат да се надигруваат со противникот. Сигирно нема да тргнат безглаво бидејќи има реванш, но секако кога играат овие два тима головите се неизбежни, па веруваме дека така ќе биде и овој пат.
Be the first to comment