Денес има неколку интересни натпревари меѓу кои и дуели од Премиер лигата, па ние за вас ќе го анализираме дуелот помеѓу Арсенал и Евертон.
Ова е заостанат натпревар од 7-то коло во Премиер лигата, кој е од исклучителна важност за двата тима. Арсенал бидејќи се бори за титулата, додека Евертон води грчевита борба за опстанок.
Арсенал има шанса која не смее да ја пропушти
Откако минатата сезона Арсенал остана без пласман во Топ 4, малкумина очекуваа дека „топџиите“ оваа сезона ќе се борат за титулата, а уште помалку дека во март ќе бидат во ваква позиција. Арсенал од почетокот на сезоната е на врвот и сега веќе е јасно дека е прв фаворит за титулата. Во моменов има два бода предност пред Сити, па овој натпревар е шанса да се зголеми разликата и шанса која не смее да се пропушти. „Топџиите“ во еден момент имаат и осум бода предност, но потоа следуваше период на лоши резултати, па разликата се стопи. Меѓутоа, кризата за „топџиите“ е веќе минато, па во овој меч влегуваат после две големи гостински победи над Астон Вила и Лестер. Пред точно еден месец Евертон го победи Арсенал на домашен терен, па тоа е уште еден мотив плус „топџиите“ да се реваншираат. Арсенал игра одлично на домашен терен оваа сезона и во 11 меча запиша осум победи, две ремија и само еден пораз. Што се однесува до тимот Артете нема да може да смета само на Елнени и Габриел Жесус, а добрата вест е дека Бразилецот почна со тренинзи и е блиску до враќање на терените.
Може ли Евертон да избори опстанок?
Минатата сезона беше лоша за Евертон, кој на крајот успеа да избори опастанок и заврши на 16-то место на табелата. Навивачите се надеваа на поинаква сезона, но „карамелите“на катастрофален начин ја започнаа оваа сезона и моментално се наоѓаат во зоната за испаѓање, па ги очекува грчевита борба за опстанок. Поради тоа дојде и до тренерска смена, па резултатите малку се променија и Евртон почна да игра подобро. На последните четири меча запиша две победи, па значително ги зголеми шансите за опстанок, но конкуренцијата е голема. Минатото коло Евертон одигра уште еден лош натпревар и на свој терен беше поразн од Астон Вила, а сега му гостува на лидерот и тешко дека ќе дојде до бодови. Притоа, „карамелите“ играат многу лошо на гости оваа сезона и од 11 натпревари остварија само еден триумф и четири ремија. Што се однесува до тимот Шон Дајч за овој меч нема да може да смета на Калверт-Лавин и Таусенд, а под знак прашалник е Петерсон.
Очекување
Квалитетот и домашниот терен се на страната на Арсенал, но Евертон сигурно нема лесно да се предаде и очекуваме неизвесен дуел. Меѓутоа, „топџиите“ во последно време лесно се справуваат со Евертон на домашен терен.
Be the first to comment