Денес има богата понуда за обложување, а секако фокусот ќе биде на дербито од Премиер лигата помеѓу Њукасл и Ливерпул.
Ова е директен дуел за 4-то место во лигата, каде Ливерпул нема право на кикс, а исходот од дуелот многу ќе влиае на понатамошниот тек на сезоната за двата тима.
Њукасл се бори за Топ 4
Големите инвестиции полека почнаа да се исплаќаат во Њукасл и се чини дека овој клуб има многу добро спортско раководство, бидејќи готово сите засилувања одлично се вклопија во тимот. Њукасл моментално е на четвртото место на табелата и тоа е примарна цел на тимот, но нема право на кикс бидејќи конкуренцијата е огромна. Тимот во последниот период малку падна во формарата, па иако нема пораз на последните пет меча, победи само еднаш, па така им дозволи на конкурентите да се приближат. Со пораз на овој дуел Ливерпул може да направи додатен притисок, па Њукасл е пред императив да направи позитивен резултат. Њукасл игра одлично на домашен терен оваа сезона и поради тоа е во мала предност за овој меч, а што се однесува до тимот, голем хендикеп ќе биде отсуството на Бруно Гимараеш, кој е под суспензија.
Може ли Ливерпул да ја спаси сезоната?
Ливерпул игра под сите очекувања оваа сезона, брзо испадна од трката за титулата, а моментално се наоѓа на 9-то место на табелата. Само со пласман во Топ 4 „црвените“ можат да ја спасат сезоната, а тоа ќе биде исклучително тешко. Ливерпул во моментов заостанува 9 бода зад Њукасл, но има и натпревар помалку, па поради тоа овој дуел за тимот на Клоп е клучен. Доколку бидат поразени ќе можат да се простат од четвртото место, и се пред императив победа, бидејќи ова е последниот воз за приклучок. Добрата вест е што тимот во последно време заигра подобро, но се уште е далеку од препознатливиот Ливерпул од минатата сезона. Многуте повреди го зедоа својот данок, па и за овој меч клоп нема да може да смета на Дијаз, Алкантара и Конате. „Црвените“ за три дена играат меч во ЛШ со Реал Мадрид, но секако дека ова ќе биде клучен меч за нив и ќе истрчаат со најсилниот тим без калкулации.
Очекување
Дерби натпреварите во Премиер лигата се непредвидливи, а влогот на овој меч е огромен. Двата тима ќе играат на победа, но претпазливо,па очекуваме голови на двете страни.
Be the first to comment