Денес има неколку интересни натпревари ширум Европа, но фокусот секако ќе биде на градското дерби од Премиер лигата, каде Ливерпул на „Енфилд“ ќе го пречека Евертон.
Ова дерби е поразлично од другите бидејќи двата клуба од Ливерпул играат под очекувањата и се големо разочарување оваа сезона.
Ливерпул не личи на себе
Дури и најголемите песимисити не можеа да предвидат вака лоша сезона на Ливерпул, откако во летниот преоден рок пристигна големо засилување во нападот во името на Дарвин Нуњес. „Црвените“ брзо отпаднаа од трката за титулата, а потоа продолжија да тонат и моментално се наоѓаат на 10-то место на табелата. Ова сигурно никој не можеше да го предвиди и не можат да бидат оправдување ниту големиот број на повредни во текот на сезоната. Ливерпул е во многу лоша форма и на последните четири меча освои само еден бод, па тимот на Клоп мора што побрзо да се „разбуди“. Според квалитетот сигурно Ливерпул припаѓа на самиот врв, па само прашање на време е кога ќе почнат да се искачуваат за да се обидат да ја спасат сезоната. Во лигата на шампиони им претстои дуел со Реал Мадрид, па се чини дека сега тоа е во фокусот. Меѓутоа, дуелите со градскиот ривал секогаш се мотив плус и шанса за пресврт на сезоната.
Евертон се бори за опстанок
Евертон е најголемо разочарување оваа сезона во Премиер лигата и моментално се наоѓа во зоната за испаѓање, па му претстои голема борба за опстанок. Според квалитетот „карамелите“ секако заслужуваат многу повисоко место на табелата, но оваа сезона единстевно може да се спаси само доколку изборат опстанок. Неодамна дојде до тренерска смена, што беше и очекувано, па тоа како да донесе позитивен импулс во тимот. Минатото коло Евертон после подолго време дојде до победа и тоа против лидерот и еден од најголемите фаворити за титулата. Поради тоа со голема самодоверба влегуваат во градското дерби, кое секогаш е приказна за себе и во кое нема фаворити. Евертон ќе се обиде да ја искористи ситуацијата и да го „дотолчи“ ранетиот Ливерпул. Сигурно дека бодовите им се многу повеќе потребни на „карамелите“, па ќе имаат и поголем мотив.
Очекување
Градските натпревари се секогаш непредвидливи и нема фаворити, па готово секогаш детали го одлучуваат победникот, а ние веруваме дека така ќе биде и овој пат.
Be the first to comment