Денес на програмата е големото дерби во португалскиот Куп помеѓу Брага и Бенфика, па тоа е и најинтересен дуел од денешната програма.
Ова е дуел од четвртфиналето на португалскиот Куп, па ќе гледаме голема борба на два одлични клуба за пласман во полуфинале. Предност на Брага е домашниот терен, но квалитетот е на страната на Бенфика.
Брага брка пласман во Лигата на шампиони
Со години наназад Брага завршува на четвртото место на табелата, па тоа место како да е резервирано за овој тим. Минатата сезона заостануваше четири бода од третото место, па оваа сезона главна цел е пласман во Топ 3 и изборување пласман во Лигата на шампиони. Тоа воопшто не е лесно бидејќи трите места се како резервирани за лисабонските гиганти и Порто, но оваа сезона Брага има одлична можност. Во овој момент Брага се наоѓа на третото место со дури пет бода предност пред Спортинг. Иако примарна цел е секако пласман во Топ 3, сепак Брага нема лесно да се откаже од Купот и тоа е шанса за овој тим конечно да дојде до трофеј. Сега ќе ги одмери силите со најсилниот тим во лигата, но домашниот терен ќе биде голема предност. За тоа доволно говори фактот што Брага ја победи Бенфика на последните два меѓусебни дуели. Пред два месеци Брага славеше над Бенфика со 3:0, па сигурно со голема самодоверба ќе ќе влезе во овој дуел. Тренерот нема проблем со повредени играчи и ќе го има на располагање целиот тим.
Бенфика блиску до нова титула
Последната титула Бенфика ја освои во сезоната 2018/19, па апсолутно примарна цел на „орлите“ е враќање на титулата на „Луж“ оваа сезона. Оваа сезона Бенфика игра одлично и е лидер на табелата, многу се засили во летниот преоден рок, а засилувањата веднаш се вклопија во тимот. „Орлите“ оваа сезона од 20 одиграни меча имаат 17 бода и се блиску до освојување на нова титула, бидејќи имаат голема предност пред Порто. Меѓутоа, Бенфика секако ќе сака да ја освои двојната круна и нема лесно да се откаже од Купот, иако во четвртфиналето има многу тешко гостување. Ова по традиција е тешко гостување за „орлите“, кои загубија на последните две гостувања и примија вкупно шест гола. Дека Бенфика има сериозен квалитет потврди и со настапите во Лигата на шампиони, каде заврши на првото место во групата пред ПСЖ. И во најпрестижното натпреварување Бенфика има големи амбиции, а во осминафиналето има противник по мерка и ќе игра против Бриж. Тренерот нема проблем со повредени играчи, а останатите ќе сакаат да покажат дека заминувањето на Енцо Фернандез нема да влиае на играта и резултатите.
Очекување
Дуелите на овие два тима се секогаш непредвидливи, но по традиција се богати со голови, па очекуваме така да биде и овој пат. Веруваме дека ќе биде неизвесен дуел со голови на двете страни.
Be the first to comment