Денес нема голема понуда за обложување, а ние за вас ќе го анализираме натпреварот од Серија А помеѓу Удинезе и Верона.
Удинезе се наоѓа на седмото место на табелата и гледа можност за пласман во Лигата на конференции оваа сезона, додека Верона се наоѓа во зоната за испаѓање и ја чека грчевита борба за опстанок.
Удинезе сонува излез во Европа
Удинезе на фантастичен начин ја отвори сезоната и едно време беше на самиот врв на табелата, но потоа следуваше пад на формата и серија на лоши резултати, па и пад на табелата. Тимот од Фриули моментално се наоѓа на 7-то место на табелата, што е одличен пласман за овој тим, па после казната на Јувентус овој тим сигурно гледа шанса за пласман во Лигата на конфереции. Ова сигурно не беше цел на Удинезе пред почетокот на сезоната, туку изборување на опстанок, но сега амбициите се зголемија. Во минатото коло Удинезе после подолго време дојде до победа, а сега има противник по мерка за нови три бода. Домашниот терен сигурно ќе биде предност, а се освен победа на овој меч ќе биде неуспех. Хендикеп е сигурно повредата на Деулофеу, а тоа може да отвори повеќе простор за минутажа на Несторовски.
Верона ја чека грчевита борба за опстанок
Верона на катастрофален начин ја отвори сезоната и едно време беше најлош тим во лигата по сите статистики, па дојде до тренерска смена. Според квалитетот овој тим заслужува повисок пласман, па мораше да дојде период на добри резултати. Верона сега игра многу подобро, особено после мундијалската пауза. На последните четири меча запиша само еден пораз и две победи, па сега дојде на само шест бода од позициите кои гарантираат опстанок. Меѓутоа, конкуренцијата е огромна, па Верона ја чека грчевита борба за опстанок. За нив секој бод е од големо значење, па сигурно до крај ќе се бори на ова гостување за да останат непоразени.
Очекување
Формата и квалитетот се на страната на домаќинот, па веруваме дека ќе ги освои трите бода, иако Верона нема лесно да се предаде и ќе пружи силен отпор.
Be the first to comment