Од денешната понуда секако најинтересен е дуелот помеѓу двата најдобри тимови од Премиер лигата, Манчестер Сити и Арсенал, кои ќе ги одмерат силите во ФА Купот.
Сити на „Етихад“ ќе го пречека лидерот Арсенал во оквирот на шеснаесетина финалето во ФА Купот, со што овие два клуба ќе ја продолжат битката и на друг фронт, со оглед на фактот дека се главни ривали и за титулата во Премиер лигата.
Сити како и обично ги сака сите трофеи
Манчестер Сити минатата сезона во последното коло на драматичен начин дојдоа до титулата во Премиер лигата, но оваа сезона ќе им биде многу тешко да ја одбранат, бидејќи многу заостануваат зад Арсенал. Оваа сезона примарна цел секако ќе биде освојување на Лигата на шампиони, но Гвардиола не се откажува од ниту еден трофеј, па сигурно ќе сака да го освои и ФА Купот. Сега во оваа фаза има екстра мотив бидејќи за противник го има лидерот, па „граѓаните“ ќе можат да докажат дека се подобри од „топџиите“ и да ја поткренат самодовербата. Во Премиер лигата тимот на Пеп не е супериорен како претходните години, но тоа благодарение на Арсенал кој игра фантастична сезона. Неодамна „граѓаните“ беа елиминирани од Лига Купот и тоа од Саутемптон, па сигурно нема лесно да се откажат од ФА Купот. Добра вест е што Гвардиола за овој меч ќе ги има сите фудбалери на располагање, па сигурно ќе сака со победа да го „разниша“ главниот ривал за титулата.
Арсенал блеска оваа сезона
Арсенал е најпријатното изненадување оваа сезона, па ни најголемите фанови не очекувааа толку супериорност во Премиер лигата. Арсенал моментално е лидер на табелата со 5 бода повеќе од „граѓаните“ и натпревар помалку, но ова е прв меч против Сити за нив сезонава. Манчестер Сити веќе подолго време е „неосвоива тврдина“ за Арсенал, кој на последните пет меча доживеа исто толку порази. Сега „топџиите“ ќе сакаат да ја прекинат таа црна серија, а тоа ќе значи и голем удар за ривалот бидејќи ќе биде елиминација од ФА Купот. Ова сигурно е најголем тест за тимот на Артета оваа сезона, но самодовербата е на високо ниво, а и формата е извонредна. Секако, примарна цел на „топџиите“ оваа сезона ќе биде освојување на Премиер лигата и прекинување на долгогодишниот „пост“, но секако нема лесно да се откажат од ФА Купот. Формата на тимот е одлична и на последните пет меча запишаа четири триумфи и едно реми против Њукасл. Што се однесува до тимот, Габриел Жесус сигурно ќе го пропушти мечот, а Елнени е под знак прашалник.
Очекување
Дерби натпреварите во ФА Купот секако се непредвидливи, но сигурно двата тима ќе сакаат да избегнат реми, па очекуваме отворен меч со многу голови. По традиција меѓусебните дуели се богати со голови, а Сити има пет победи на последните пет меча против Арсенал.
Be the first to comment