Денес има богата понуда за обложување, но еден од најинтересните дуели се игра во Серија А, каде Јувентус ја пречекува Аталанта.
Јувентус во овој меч влегува после дебаклот во Неапол, па ќе се сака брзо да се врати на победничките патеки, а Аталанта полека ја враќа старата форма.
Јувентус е како ранет лав
Јувентус беше во фантастична серија до осум победи по ред, а на седум меча немаше примено гол, па стигна до второто место на табелата. Меѓутоа, минатото коло доживеа дебакл на гостувањето кај Наполи и беше поразен со 5:1, па сигурно многу лут ќе влезе во овој дуел. Очигледно е дека после таков пораз и заостанување од 10 бода на табелата „бјанконерите“ повеќе не мислат на Скудетото, па целта е пласман во Топ 4. Но, и тоа нема да биде лесно бидејќи конкуренцијата е голема, па мора да се вратат на победите. Алегри ќе сака што е можно побрзо да го заборави мечот со Наполи, а со победа над Аталанта сигурно ќе ја врати самодовербата во тимот. Веќе подолго време Јувентус има проблем со повредени играчи, а и за овој меч сигурно нема да може да смета на Влаховиќ, Квадрадо, Погба и Де Шиљо, но домашниот терен може да биде голема предност.
Аталанта полека се враќа во форма
Аталанта пред муднијалската пауза влезе во лоша форма и серија на лоши резултати, па следуваше пад на табелата. Моментално Аталанта се наоѓа на 6-то место на табелата, а целта на овој тим е секако пласман во Топ 4. Добра вест е што „Божицата“ полека влегува во добра форма, а доказ за тоа се двете големи победи на последните два меча. Заостауваат само 3 бода од четвртото место, па сигурно нивната цел е остварлива и ќе се борат до крајот за билет за Лигата на шампиони. Меѓутоа, тоа воопшто нема да биде лесно, бидејќи конкуренцијата е голема, па секој бод ќе биде важен, иако сезоната е многу долга. Со овој меч завршува првиот дел од сезоната, па Аталанта сигурно во Торино доаѓа по позитивен резултат и сака да освои барем еден бод.
Очекување
Натпреварите на овие два тима се непредвидливи и секогаш ги одлучуваат детали. Формата е на страната на гостинот, но квалитетот е на страната на домаќинот, па очекуваме неизвесен дуел.
Be the first to comment