Денес нема голема понуда за обложување, ширум Европа се играат куп натпревари, а еден од најинтересните секако се игра во Милано каде Интер ја пречекува Парма.
Интер одбраната на титулата во Купот ја започнува од осминафиналето и тоа со лесен противник, бидејќи на гости им доаѓа второлигашот Парма.
Интер сака да ја одбрани титулата
Интер оваа сезона игра топло-ладно, па веќе доста заостанува од трката за титулата во Серија А, иако пред почетокот на сезоната овој тим важеше за еден од фаворитите. Новата година Интер ја започна со голема победа над Наполи со што се приближи на 8 бода од врвот, но минатото коло повторно киксна против Монца, па додатно се оддалечи од лидерот. „Нероаѕурите“ секако нема да се откажат од борбата до крајот, но важна цел за тимот на Инзаги секако е одбраната на титулата во Купот. Во осминафиналето имаат противник по мерка, па не би требало да имаат проблем против второлигашот Парма. Инзаги сигурно за овој дуел ќе изведе комбиниран тим и ќе може да им даде шанса на фудбалерите кои добиваат помала минутажа, а да ги одмори некои од важните фудбалери. Во секој случај квалитетот на Интер е неспорен и се очекува лесно да се пласира во четвртфиналето каде ќе игра со победникот од дуелот Аталанта – Специја.
Може ли Парма да направи „чудо“?
Славниот италијански клуб моментално игра во втората лига и целта секако е што побрзо да се врати во Серија А. Моментално се наоѓа на 6-то место на табелата, односно е во линија со очекувањата и местата кои на крајот водат до плеј-оф. Меѓутоа, тимот во моментов е во многу лоша форма, па на последните пет меча запиша само една победа и почна да заостанува зад првите две места кои директно водат во Серија А. Поради тоа ќе мора што побрзо да ја врати формата и да почне да победува, а дуелот во Купот за нив и нема големо значење. Ова е шанса Парма да игра против еден од гигантите и да ја почуствува атмосферата од Серија А, но тешко дека ќе може да направи „чудо“ и да го елиминира фаворитот. Сепак, сигурно нема лесно да се предаде, бидејќи Парма е клуб со богата историја и ужива да игра факви натпревари.
Очекување
Интер е голем фаворит на овој меч и не би требало да има проблеми, па очекуваме победа изразена со повеќе голови разлика.
Be the first to comment