Денес има богата понуда за обложување, а најголемото дерби се игра во португалската лига помеѓу Брага и Бенфика.
Лидерот Бенфика има тешко гостување кај Брага, која моментално се наоѓа на 4-то место на табелата, па овој меч може да го одреди понатамошниот тек на сезоната.
Брага го цели третото место на табелата
Со години наназад Брага завршува на четвртото место на табелата, па тоа место како да е резервирано за овој тим. Минатата сезона заостануваше четири бода од третото место, па оваа сезона главна цел е пласман во Топ 3 и изборување пласман во Лигата на шампиони. Тоа воопшто не е лесно бидејќи трите места се како резервирани за лисабонските гиганти и Порто, но оваа сезона Брага има одлична можност. Во овој момент Брага се наоѓа на четвртото место на табелата, но има ист број бодови како третопласираниот Спортинг,кој има и натпревар повеќе, па до крај ќе води голема битка со гигантот од Лисабон. Се чини дека фокусот оваа сезона е на првенството и дека нема многу да се насочува кон Лигата на конференции. Сега на гости им доаѓа најсилниот тим во лигата и лидер во првенството, па позитивен резултат на овој меч додатно ќе ја поткрене самодовербата и Брага ќе се врати на третото место на табелата. Интересно Брага оваа сезона игра подобро на гостиниски терен, каде на седум гостувања запиша шест победи. Тренерот нема проблем со повреди и на располагање го има целиот тим, па се очекува фантастично дерби.
Бенфика ита кон титулата
Последната титула Бенфика ја освои во сезоната 2018/19, па апсолутно примарна цел на „орлите“ е враќање на титулата на „Луж“ оваа сезона. Оваа сезона Бенфика игра одлично и е лидер на табелата, многу се засили во летниот преоден рок, а засилувањата веднаш се вклопија во тимот. Најдобар пример за тоа е Енцо Фернандез кој блесна на Мудијалот, па Бенфика ќе биде на мака да го задржи Аргентинецот до крајот на сезоната. „Орлите“ оваа сезона од 13 одиграни меча имаат 12 победи и само едно реми, па јасно е зошто се први фаворити за титулата. Ова ќе биде најтежок тест за Бенфика, бидејќи му гостува на солиден тим каде по традиција има потешкотии. Со победа на овој меч Бенфика ќе има предност од 8 бода пред Порто и тоа ќе биде голем чекор напред кон титулата. Својот квалитет Бенфика оваа сезона го покажа и во Лигата на шампиони каде заврши на првото место во група со ПСЖ и Јувентус, а за противник во осминафиналето го доби Бриж. Се очекува гигантот од Лисабон оваа сезона да оди далеку и во ЛШ, но секако примарна цел е титулата во Португалија, па поради тоа сериозно ќе влезе во овој меч и сака да ги освои трите бода.
Очекување
Очекуваме возбудлив меч помеѓу два силни тима со одлилни напади. Нивните меѓусебни дуели по традиција изобиливаат со голови, па и сега очекуваме голови на двете страни.
Be the first to comment