Денес на програмата е 16-то коло од француската лига, прво после муднијалската пауза, а во фокусот е секако мечот помеѓу Пари Сент Жермен и Стразбур.
ПСЖ е на првото место на табелата и уверливо чекори кон нова титула, додека Стразбур е во зоната за испаѓање и го чека грчевита борба за опастанок.
ПСЖ нема конкуренција во Франција
Минатата сезона ПСЖ без поголеми проблеми стигна до шампионската титула и заврши со дури 15 бода повеќе од второпласираниот Марсеј. Тоа секако беше очекувано особено поради фактот што сезоната пред тоа Лил им ја „украде“ титулата. Впечатокот е дека ПСЖ нема конкуренција во Франција и дека и оваа сезона рутински ќе стигне до титулата. Пристигна нов тренер и неколку нови засилувања, а клубот се ослободи од Ди Марија, Паредес и Вајналдум. Моментално е на првото место на табелата и од 15 кола има запишано 13 победи. Во Лигата на шампиони ПСЖ заврши на второто место на табелата, па за противник во осминафиналето го доби Баерн Минхен. Се чини дека „светците“ до февруари само ќе ја темпираат формата во домашното првенство бидејќи мечот со Бавраците е најважжен за нив. На овој меч Галтие нема да може да смета на големите ѕвезди кои настапуваа на Мундијалот, како Меси, Мбапе и Нејмар, но секако ПСЖ е голем фаворит и има силен состав и без нив.
Може ли Стразбур да се спаси од испаѓање?
Пред пет години Стразбур се врати во елитата и повеќе не испадна во понизок ранг, па целта и оваа сезона за тимот ќе биде изборување на опастанок. Моментално се наоѓа на претпоследното место на табелата, но само два бода помалку од сигурната зона, па сигурно го очекува грчевира борба за опастанок. На последните пет кола пред мундијалската пауза запиша три ремија и два порази, па едноставно мора да ја поправи формата и да почне да победува. Секако, тоа ќе биде исклучително тешко на овој меч бидејќи му гостува на еден од најсилните тимови во Европа. Иако според резултатите Стразбур оваа сезона игра подобро на гости отколку на домашен терен, сепак во Париз тешко дека ќе стигне до бодови и ќе се обиде да избегне болен пораз.
Очекувања
Домаќинот е апсолутен фаворит на овој меч и се друго освен победа ќе биде големо изненадување. Веруваме дека победата ќе биде изразена со повеќе голови како и што по традиција играат овие два тима.
Be the first to comment