Денес продолжува Премиер лигата после паузата за Мундијалот и на програмата е целото 16-то коло на популарниот Боксинг деј, а во фокусот е секако лондонското дерби помеѓу Арсенал и Вест Хем.
Арсенал е на првото место на табелата со пет бода предност пред Сити и сигурно ќе се бори за титулата до крајот, додека Вест Хем се наоѓа на само еден бод од зоната за испаѓање.
Арсенал сака да продолжи таму каде што застана
Арсенал е најпријатното изненадување оваа сезона во Премиер лигата и веројатно ни најголемите фанови не можеа да предвидат вакви добри партии на „топџиите“. Четата на Артета се наоѓа на првото место на табелата со дури пет бода предност пред второпласираниот Сити. После неколку години Арсенал конечно е во трка за титулата, па сака да ја продолжи добрата серија на резултати. Се чини дека овој празничен и новогодишен период може да биде клучен, па доколку продолжи со победите ќе се етаблира во прв кадидат за титулата. Што се однесува до Лига Европа „топџиите“ го освоија првото место во фрупата и се пласираа директно во осминафиналето. Меѓутоа, фокусот секако ќе биде на Премиер лигата бидејќи Арсенал после долго време гледа шанса за освојување на титулата. Во паузата тимот се подготвуваше во Дубаи и покажа одлични партии против силни противници како Милан и Лион, па сега е пред императив победа против градскиот ривал. Проблем за Артета секако може да биде повредата на Жесус, па се очекува „топџиите“ да бидат активни на трансфер пазарот во јануари.
Вест Хем најголемо разочарување сезонава
Минатата сезона за „чеканите“ беше одлична, па на крајот заврши на седмото место на табелата и избори пласман во Лигата на конференции. Притоа, во летниот преоден рок Вест Хем донесе големи засилувања, потроши огромни финансии, па очекувањата за оваа сезона беа многу големи. Токму поради тоа овој тим може да се каже дека е најголемо разочарување оваа сезона бидејќи моментално се наоѓа на еден бод од зоната за испаѓање. Се чини дека паузата за Мундијалот дојде во вистинско време за овој тим кој беше во лоша форма и во серија од три порази по ред. Поради тоа се очекува четата на Дејвид Мојс што побрзо да ги поправи резултатите, бидејќи сигурно има квалитет за горниот дел од табелата. Меѓутоа, ова за нив по традиција е тешко гостување и тешко дека ќе дојдат до бодови, иако сигирно нема лесно да се предадат. Што се однесува до тимот Мојс нема да може да смета на дефанзивецот Зума, додека под знак прашалник се Антонио, Скамака и Корне.
Очекување
Арсенал е голем фаворит на овој меч, но ние очекуваме тежок и израмнет натпревар. Двата тима играат отворен фудбал, имаат одлични напади, па веруваме дека ќе има голови на двете страни.
Be the first to comment