Денес нема голема понуда за обложување, но секако во фокусот ќе биде големото дерби во турското првенство помеѓу Трабзон и Фенербахче.
Трабзон на нашиоt Енис Барди се наоѓа на седмото место на табелата и го пречекува лидерот Фенербахче, па овој дуел ќе биде од големо значење за двата тима.
Трабзон сезонава игра под очекувањата
Трабзон минатата сезона мимо сите очекувања дојде до шампионската титула, прв пат после 38 години, што беше големо изненадување. Сепак, мора да се напомене дека заслужено ја освои шампионската титула и на крајот заврши со 8 бода предност пред Фенербахче. За жал таа титула не му донесе на Трабзон настап во Лигата на шампиони, бидејќи загуби во баражот од Копенхаген. Играше во Лига Европа, но и таму не се прослави,па го заврши настапот во групната фаза. Меѓутоа, оваа сезона Трабзон игра под сите очекувања во турската лига и моментално се наоѓа на седмото место на табелата, но со само шест бода помалку од лидерот Фенербахче. Поради тоа ова за нив ќе биде клучен дуел сезонава, па доколку победат ќе се вратат во трката за титулата. Трабзон важи за тим кој игра одлично на домашен терен и до сега на шест меча не знае за пораз, има три победи и три ремија.
Примарна цел на Фенербахче е титулата
Минатата сезона Фенербахче заврши на второто место на табелата, што донесе квалификации во ЛШ, но треба да се напомене дека не беше остварена примарната цел, а тоа е шампионската титула. Најзаслужен за тој успех беше тренерот Исмаил Картал кој пристигна во јануари и направи радикални промени во тимот, па ги исфрли од тимот Месут Озил и Озан Туфан. Вториот дел од сезоната Фенер го одигра одлично, па дојде до второто место на табелата. Оваа сезона тимот блеска и се наоѓа на првото место на табелата, со два бода повеќе во однос на Галатасарај. Раководството направи големи инвестиции, пристигна трофеен тренер Жесус, па јасно е дека примарна цел е освојување на титулата после цели девет години. Минатото коло Фенербахче ги шокираше навивачите и загуби на домашен терен, па поради тоа сега нема право на кикс. Му гостува на актуелниот шампион, па ќе мора да оствари позитивен резултат за да ги потврди шампионските амбиции. Фенер игра фантастично на гости сезонава, каде на пет меча запиша пет победи, па сака да ја продолжи добрата серија.
Очекување
Големо дерби каде очекуваме неизвесен дуел кој ќе го одлучуваат детали. Овие два тима по традиција играат отворен фудбал, па очекуваме голови на двете страни.
Be the first to comment