Сите очи денес ќе бидат вперени во малото финале на Мундијалот, односно дуел за трето место помеѓу Хрватска и Мароко.
Како и што рече селекторот на Мароко овој дуел може да се каже дека е „лузерски“ и никој не сака да го игра бидејќи играат селекции кои биле на само чекор до финалето. Меѓутоа, секако дека бронзата е и тоа како значајна, па сигурно двете репрезентации ќе дадат се од себе за да ја освојат.
Хрватска после сребро сака и броза
Просто неверојатно звучи фактот дека на два последователни Мундијали Хрватска е меѓу четирити најдобри репрезентации, но треба да се потенцира дека е целосно заслужено. Модриќ и дружината не успеаа да го повторат успехот од пред четири години и да дојдат до финалето, но сигурно ќе сакаат со бронза да се вратат дома. Во финалето беа надиграни од Аргентина и тоа е единствен натпревар во кој „коцкестите“ беа инфериорни, иако од самиот старт на Мундијалот ја победија само Канада. Со Мароко го играа првиот натпревар, каде беа фаворити, но не успеаа да победат, па тогаш никој не можеше да предвиди дека „коцкестите“ ќе стигнат толку далеку. Селекторот Далиќ на располагање ќе ги има сите фудбалери, па не се очекуваат промени во тимот, бидејќи овој дуел е многу важен и сигурно Хрватите нема да експериментираат и ќе сакаат да ја освојат бронзата.
Мароко веќе испиша историја, но сака медал
Мароко веќе испиша историја на ова Светско првенство и стана првата африканска репрезентација која стигнала до полуфинале, но сигурно ќе сакаат сензацијата да ја комплетираат со освоен медал. Веќе одамна не може да се зборува за Мароко како за изненадување, бидејќи победи многу силни репрезентации. Станува збор за искллучително добро организиран тим, кој особено добро игра во дефанзива. За тоа најдобро зборува фактот дека до полуфиналето примија само еден гол, но против Франција не успеаа да дојдат до позитивен резултат и да се пласираат во финалето. Сепак, треба да се напомене дека Мароко против Франција го одигра можеби својот најдобар натпревар, не се предаде пред силниот противник и со крената глава беа елиминирани. Поради тоа со голема самодоврба и мотив ќе влезат во овој меч. Добро ја познаваат Хрватска, но се свесни дека овој меч ќе биде многу поразличен од мечот во групната фаза. Селекторот Реграги истакна дека неговите избраници ќе дадат се од себе да ја освојат бронзата, што ќе биде круна на нивниот настап во Катар.
Очекување
Како и во првиот нивни меч и сега очекуваме неизвесен и израмнет дуел со малку голови. Двата тима ќе бидат претпазливи и ќе сакаат да ја освојат бронзата и по цена мечот да се игра 120 минути.
Be the first to comment