Последното коло во Премиерлигата пред паузата за Мундијалот ни носи еден возбудлив натпревар помеѓу Њукасл и Челзи, два тима кои се борат за највисок врво, односно за пласман во Топ 4.
Њукасл е најпријатното изненадување оваа сезона и е еден од тимовите со најдобра форма во моментов и се наоѓа на трото место на табелата, додека Челзи игра под очекувањата и моментално е на 7-то место на табелата.
Њукасл блиску до остварување на целта
Њукасл минатата сезона доби нови сопственици и стана најбогатиот клуб на светот. Природно со тоа дојдоа и големите инвестиции во клубот, па оваа сезона тимот ги дава очекуваните резултати. Целта на новите сопственици е што побрзо да го однесат Њукасл во Лигата на шампиони, а оваа сезона се на добар пат. „Чавките“ моментално се наоѓаат на третото место на табелата со четири последователни победи, тимот игра одлично, иако најскапото засилување Исак до сега не ги оправдува очекувањата. Сега на гости им доаѓа директен конкурент за пласман во Топ 4, а Њукасл во одлично расположение и со голема самодоверба влегува во овој дуел. Њукасл има само еден пораз од почетокот на сезоната и сака со победа пред своите навивачи да ја дочека паузата за Мундијалот. Тренерот Еди Хаи врши одлична работа, тимот игра одлично, а за овој дуел нема да може да смета на Исак, Фрејзер и Крафт.
Челзи со пад на формата во последно време
И покрај големите вложувања во летниот преоден рок, Челзи не ја започна сезоната на најдобар можен начин, што доведе и до отказ на тренерот Томас Тухел. Промената на тренерот доведе до промената на стилот на игра, но не и на резултатите кои се променливи. Во Лигата на шампиони „сините“ ги поправија резултатите и успеаа да завршат на прво место во групата. Меѓутоа, резултатите во Премиер лигата не се според очекувањата, а тимот е во голем пад на формата во последно време. Во мометов Челзи се наоѓа на седмото место на табелата со дури 13 бода помалку од лидерот Арсенал, кој минатото коло го победи Челзи на „Стенфорд Бриџ“. Во последните четири меча „сините“ освоија само два бода, па ова гостување е од исклучителна важност за понатамошниот тек на сезоната. Позитивен резултат против директниот конкурент ќе ја промени атмосферата во тимот. Тренерот Потер за овој меч нема да може да смета на Канте, Џејмс, Кепа, Фофана и Чилвел.
Очекување
Дуел на два тима кои играат отворен фудбал за гол повеќе од противникот. Поради тоа очекуваме возбудлив натпревар со голови на двете страни.
Be the first to comment